Beed News : किल्लेधारूर तालुक्यात यावर्षी मोठ्या प्रमाणत पाऊस झाल्याने खरीप पिके जोमात आली आहेत. मात्र, आठ दिवसांपासून होत असलेल्या सततच्या पावसाने शेतात पाणी साचून खरीप पिके पिवळी पडत आहेत. ढगाळ वातावरणामुळे किडीचादेखील मोठा प्रादुर्भाव दिसून येत आहे..परिणामी, उत्पादनात मोठी घट होण्याची शक्यता शेतकऱ्यांमधून व्यक्त केली जात आहे. गतवर्षीच्या तुलनेत यावर्षी तालुक्यात पावसाने उशिरा हजेरी लावल्याने दोन टप्प्यांत खरीप पेरणी झाली. मे महिन्यात झालेल्या जोरदार अवकाळी पावसाने सगळीकडे पाणीच पाणी झाले होते. .Rain Crop Damage : सततच्या पावसामुळे मुगाच्या शेंगांना फुटले कोंब.काही शेतकऱ्यांनी जूनच्या पहिल्या आठवड्यात पेरणी केली होती. दीड महिना खंड असलेल्या पावसाने जुलै महिन्याच्या दुसऱ्या आठवड्यात पावसाने हजेरी लावली. या झालेल्या पावसावर उर्वरित शेतकऱ्यांनी पेरणी केली. यामुळे तालुक्यातील पेरणी दोन टप्प्यांत झाली. सुरवातीला झालेल्या पेरणीची पिके जोमात आहेत. .मात्र, जुलै महिन्यात झालेल्या पेरणीची पिके सततच्या पावसाने पिवळी पडली आहेत; तसेच किडीचा प्रादुर्भाव होऊन विविध रोगांना बळी पडत आहेत. परिणामी वाढदेखील खुंटली असून, उत्पादनाला याचा मोठा फटका बसणार असल्याचे शेतकऱ्यांमधून बोलले जात आहे..Crop Damage Compensation : पावसामुळे झालेल्या नुकसानीची भरपाई द्या .पिके हातून जाण्याचा धोकासततच्या पावसाने पिके पिवळी पडली आहेत. बीड, छत्रपती संभाजीनगर, परभणी, जालना, लातूर, धाराशिव, जालना, हिंगोली, नांदेड जिल्ह्यात सातत्याने पाऊस होत असल्याने पिकांचे नुकसान होण्याची दाट शक्यता आहे. .कापूस, सोयाबीन सह कडधान्याची पिके हातून जाण्याचा धोका आहे. मराठवाड्यात गेल्या काही दिवसांपासून सुरु असलेल्या जोरदार पावसाने कापूस, सोयाबीन,तूर,मूग,उडीद,पिकांना धोका निर्माण झाला असून चार दिवसांपासून सतत पाऊस होत असल्याने शेताचे तळे झाले आहे. पाऊस असा कायम राहिल्यास आणि पिकांमध्ये पाणी साचल्याचे दिसून येत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
