Satara News: सातारा जिल्ह्याच्या अनेक भागांत सुरू असलेल्या पावसामुळे खरीप पिकांचे नुकसानीबरोबर रब्बी हंगामातील पिकांना फटका बसू लागला आहे. पावसामुळे रब्बी कांदा लागवडीसाठी रोपेनिर्मिती ठप्प झाली आहे. तसेच महाबळेश्वर तालुक्यात स्टॉबेरी लागवडीस ब्रेक लागला आहे. सततच्या पावसामुळे शेतात पाणी साचल्याने शेवाळे तयार होऊ लागले असून तणाचे प्रमाणही खूप वाढले आहे. .जिल्ह्यात होत असलेला पाऊस शेतीच्या मुळावर येऊ लागला आहे. मे महिन्यापासून सुरू झालेला पाऊस अजून त्याच जोमाने पडत आहे. सततचा अतिपाऊस खरीप पिकांसह रब्बी हंगामावर अनिष्ट परिणाम होऊ लागला आहे. पावसामुळे खरीप पेरण्यास उशीर झाला होता. आताही जोरदार पाऊस झाल्याने पिकांत पाणी साचत असल्याने पिके कुजण्याची भीती निर्माण झाली आहे..Onion Farming: साठवलेला कांदा सडू लागल्याने शेतकरी अडचणीत .दुष्काळी तालुक्यातील खरिपातील बाजरी, कांदा या पिकांचे सध्या मोठे नुकसान होत आहे. कांद्याच्या पिकांत पाणी साचत असल्याने कांदा खराब होत आहे. मे महिन्यापासून पाऊस सुरू असल्याने चाळीतील कांदा कधी नव्हे इतका खराब होत आहे. चाळीतील कांद्याना काळी बुरशीचा प्रादुर्भाव झाला आहे..दरात झालेली घसरण व खराब झालेला कांदा यामुळे शेतकरी दोन्हीही बाजूनी अडचणीत आला आहे. रब्बी हंगामातील कांदा लागवडीसाठी रोप निर्मितीची कामे सुरू होणे अपेक्षित होते. मात्र पावसामुळे शेतीची मशागत करता येत नसल्याने या कामास अपेक्षित गती आलेली नाही. पुढील काळात पाऊस सांगितला जात असल्याने शेतकऱ्यांकडून ही कामे संथगतीने सुरू आहेत..Onion Farming : कांदा रोपे मुबलक; लागवड सुरूच.कांदा लागवडीसाठी रोपे विकत घेण्यामुळे खर्च वाढत असल्याने बी टाकून रोपे करण्याकडे शेतकऱ्यांचा कल असतो. यामुळे कांदा बियाण्याची खरेदी सुरू आहे. मात्र बियाण्याची तुटवडा भासत असल्याचे शेतकरी सांगत आहेत. कांदा बियांची १५०० ते २५०० रुपये किलोने विक्री सुरू आहे. रोपे विक्रीसाठी नर्सरीची कामे सुरू आहेत..स्ट्रॉबेरी लागवडीवर परिणाम महाबळेश्वर, जावळी, वाई तालुक्यात पाऊस सुरू असल्याने सप्टेंबरमध्ये केल्या जाणाऱ्या स्ट्रॉबेरी लागवडीवर परिणाम झाला आहे. मागील वर्षी लागवडीनंतर पाऊस झाल्याने नुकसान झाले होते. यामुळे वातावरण बघून काही शेतकऱ्यांकडून लागवड केली जात आहे. अजून मोठ्या प्रमाणात लागवडीचे क्षेत्र शिल्लक आहे. दिवाळी लवकर असल्याने तसेच स्ट्रॉबेरी लागवडीला विलंब होणार असल्याने दिवाळीत स्ट्रॉबेरी उपलब्ध होणार नाही. यामुळे चांगल्या दरापासून वंचित रहावे लागणार आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
