Pune News : पुरंदर येथील प्रस्तावित आंतरराष्ट्रीय विमानतळासाठी आता १ हजार २८५ हेक्टर म्हणजेच सुमारे ३ हजार एकर जमिनीचे संपादन करण्यात येणार आहे. भूसंपादनासाठी शेतकऱ्यांकडून संमतिपत्रे स्वीकारण्यास सोमवारी (ता. २५) सुरुवात झाली. विमानतळासाठी जमीन देण्यास शेतकरी स्वतःहून पुढे येत असल्याचे चित्र आहे. भूसंपादनासाठी संमती देण्याच्या पहिल्याच दिवशी ७६० शेतकऱ्यांनी सुमारे १ हजार ७० एकर क्षेत्रासाठी संमतीपत्रे जिल्हा प्रशासनाकडे दिली आहे..विमानतळासाठी पुरंदर तालुक्यातील वनपुरी, उदाचीवाडी, कुंभारवळण, एखतपूर, पारगाव, मुंजवडी, खानवडी या सात गावांमधील जमिनीचे संपादन करण्यात येणार आहे. पूर्वीच्या अधिसूचनेनुसार हे क्षेत्र २ हजार ६७३ इतके होते. आता त्यात १ हजार ३८८ हेक्टरची कपात करून हे क्षेत्र १ हजार २८५ हेक्टर करण्यात आले आहे..Purandar Airport: हरकती घेतल्यानंतरही विमानतळासाठी जमिनी का घेता? .भूसंपादनासाठी सोमवारपासून संमतिपत्र स्वीकारण्यात जिल्हा प्रशासनाकडून सुरुवात करण्यात आली. संमतीपत्र सादर करण्यासाठी २१ दिवसांची मुदत देण्यात आली आहे. या मुदतीत संमती देणाऱ्या शेतकऱ्यांना विकसित भूखंडासह चारपट मोबदलाही देण्यात येणार आहे..Purandar Airport Protest : पुरंदरच्या हिंसक घटनेनंतर दुसऱ्या दिवशी शांतता.जिल्हाधिकारी जितेंद्र डुडी यांनी सांगितले की, आज पहिल्या दिवशी सातही गावांतील स्मारे ७६० जागा मालकांनी संमतीपत्रे जिल्हा प्रशासनाकडे सादर केली आहे. सुमारे १ हजार ७० एकर जागेची ही संमतीपत्रे आहेत. भूसंपादन करण्यात येणाऱ्या सात गावांपैकी पारगावमधून सर्वाधिक म्हणजे ३२० जागा मालकांनी संमतीपत्र दिली आहेत, त्यांचा परतावा निश्चित झाला आहे..दबाब आणणाऱ्यांवर कारवाई करणारजे जमीन मालक आहेत, त्यांना त्यांच्या जमिनीबाबत निर्णय घेण्याचा अधिकार आहे. विमानतळासाठी ज्या जागामालकांनी संमतिपत्रे सादर करावयाची आहेत. परंतु ती करू नयेत, यासाठी संबंधित शेतकऱ्यांवर कोणी दबाव आणत असेल, तर शेतकऱ्यांनी घाबरू नये, असा दिलासा देत जिल्हाधिकारी डुडी यांनी दबाब आणणाऱ्यांवर प्रशासनामार्फत कायदेशीर कारवाई करण्याचा इशाराही जिल्हाधिकाऱ्यांनी दिला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
