Nashik News : ‘नाफेड’ आणि ‘एनसीसीएफ’च्या माध्यमातून कांदा खरेदीत केंद्रातील सत्ताधाऱ्यांच्या संगनमताने भ्रष्टाचार सुरू आहे. शेतकऱ्यांसाठी काम करणाऱ्या संस्थांना कामे दिली जात नाही, तर अवसायनात गेलेल्या संस्था खरेदी करत आहेत. .सरकारच्या हस्तक्षेपामुळे कांद्याचा उत्पादन खर्च निघेना झाला आहे. त्यामुळे आता कांदा उत्पादकांना न्याय मिळेपर्यंत लढा देणार, अशी घोषणा काँग्रेसचे ज्येष्ठ नेते माजी मंत्री बाळासाहेब थोरात यांनी केली..Onion Procurement Scam: नाफेड’, ‘एनसीसीएफ’ कांदा खरेदीत परप्रांतीय रॅकेट.कांदा दरातील घसरण व किंमत स्थिरीकरण निधी योजनेअंतर्गत कांदा खरेदीतील भ्रष्टाचाराच्या मुद्द्यावर श्री. थोरात यांच्या नेतृत्वात काँग्रेसतर्फे बुधवारी (ता. १३) दुपारी द्वारका येथील ‘नाफेड’ कार्यालयावर भर पावसात धडक मोर्चा काढण्यात आला. या वेळी काँग्रेसचे कार्यकर्ते व कांदा उत्पादक शेतकरी मोठ्या संख्येने सहभागी झाले होते..मोर्चाला सुरुवात होण्यापूर्वी श्री. थोरात यांनी व्यासपीठावरून केंद्र व राज्य सरकारच्या शेतकरीविरोधी धोरणांचा समाचार घेतला. या वेळी व्यासपीठावर खासदार डॉ. शोभा बच्छाव, राज्य काँग्रेस कमिटीच्या अर्थतज्ज्ञ विभागाचे अध्यक्ष विश्वास उटगी, काँग्रेस उपाध्यक्ष राजाराम पानगव्हाणे, उपाध्यक्ष शरद आहेर, प्रदेश सचिव रमेश काहंडोळे, प्रदेश सचिव प्रा. ज्ञानेश्वर गायकवाड, जिल्हाध्यक्ष माजी आमदार शिरीषकुमार कोतवाल, शहराध्यक्ष आकाश छाजेड, मोहन तिवारी, सरचिटणीस गजानन देसाई, स्वप्नील पाटील, माजी जिल्हा परिषद उपाध्यक्ष दिगंबर गिते यांच्यासह शहर जिल्हा पदाधिकारी उपस्थित होते..Onion Scam: आता इतर कांदा खरेदीदार सहकार संस्थांची चौकशी सुरू.श्री. थोरात म्हणाले, की ‘नाफेड’चे अध्यक्ष भाजपचे मोठे नेते आहेत. त्यांनी स्वतः ‘नाफेड’मध्ये खरेदीतील गोंधळ उघड केला होता. पुढे केंद्राच्या समितीने या संबधीचा अहवाल सादर केला मात्र. तो कोणाच्या फायद्यासाठी दडपण्यात आला, असा सवालही त्यांनी उपस्थित केला. तसेच दोन्ही संस्थांमध्ये झालेल्या भ्रष्टाचाराची चौकशी झाली पाहिजे, अशी मागणी त्यांनी केली आहे..प्रमुख मागण्या‘नाफेड’, ‘एनसीसीएफ’मार्फत कांदा खरेदी खुल्या पद्धतीने बाजार आवारात व्हावी.कांद्याला किमान प्रतिक्विंटल ३००० रुपये हमीभाव मिळावा.‘नाफेड’च्या संदर्भात यापूर्वी झालेल्या चौकशी अहवाल सार्वजनिक करावा.बाजार समित्यांमध्ये विक्री झालेल्या कांद्याला प्रति क्विंटल ५०० रुपये अनुदान द्यावे.साठवणूक व्यवस्था वाढवून निर्यात धोरण स्थिर असावे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
