Chhatrapati Sambhajinagar News: फुलंब्री, जि. छत्रपती संभाजीनगर तालुक्यातील शेतकऱ्यांवर पुन्हा एकदा संकटाचे ढग दाटले असून मका आणि कापसाच्या खरेदीतील अडथळे, वाढलेले खताचे भाव, तसेच अतिवृष्टीत झालेल्या नुकसानीचे अनुदान अद्याप न मिळाल्याने शेतकरी हवालदिल झाले आहेत. या सर्व प्रश्नांवर तत्काळ तोडगा काढावा यासाठी काँग्रेस पक्षाच्या वतीने मंगळवारी (ता. ९) तहसील कार्यालयावर मोर्चा काढून निदर्शने करण्यात आली..मका पिकासाठी सरकारने जाहीर केलेला प्रति क्विंटल २४०० रुपयांचा हमीभाव कागदोपत्रीच राहिला असून खरेदी केंद्रे सुरू न झाल्याने शेतीमाल खासगी व्यापाऱ्यांकडे अत्यल्प दरात विकावा लागत आहे. परतीच्या पावसाने मका, कापूस, भाजीपाला व फळबागांचे मोठे नुकसान झाले. शेतकऱ्यांच्या खात्यात मदत जमा करण्याची सरकारची घोषणा केवळ धूळफेक ठरत असल्याचा आरोप या वेळी करण्यात आला..Farmer Protest: शेतकरी चळवळीला मोठा धक्का, शेतकरी नेते पी. आर. पांडियन यांना १३ वर्षांची शिक्षा.काँग्रेसने या वेळी प्रशासनाला निवेदन देत मागण्यांची पूर्तता लवकर करावी, अशी मागणी केली. मागण्या मंजूर न झाल्यास खासदार डॉ. कल्याण काळे यांच्या नेतृत्वाखाली मोठे जनआंदोलन उभारण्याचा इशारा देण्यात आला..Farmers Protests: वीज आणि बियाणे विधेयकाविरुद्ध पंजाबमधील शेतकऱ्यांचा हल्लाबोल.या मोर्चात काँग्रेसचे नेते जगन्नाथ काळे, संतोष मेटे, सुदाम मते, मंगेश मेटे, सुभाषराव गायकवाड, लहू मानकापे, सदाशिव विटेकर, बाबुराव डकले, राहुल सोनवणे, इद्रिस पटेल, ज्ञानेश्वर जाधव, अश्विनी जाधव, शिवराम म्हस्के, सुरेश मुळे, रेखा वाहटूळे, रवींद्र जंगले, विठ्ठल कोलते, गणेश पवार, गणेश काळे, पंढरीनाथ जाधव, भाऊसाहेब क्षीरसागर, संदीप बेडके, नामदेव खेत्रे, विठ्ठलराव डकले, शंकर उबाळे, मुकेश चव्हाण, आजिनाथ भागवत, भागवत काकडे, रवींद्र वाहटूळे आदी शेतकरी व कार्यकर्ते उपस्थित होते..आंदोलकांच्या प्रमुख मागण्या फुलंब्री तालुक्यात २-३ मका खरेदी केंद्रे तातडीने सुरू करावीत मका आणि कापसाच्या खरेदीवरील हेक्टरी मर्यादा वाढवावी अतिवृष्टी नुकसानग्रस्त शेतकऱ्यांना शासनाने घोषित केलेली मदत तत्काळ द्यावी खतांच्या दरवाढीवर नियंत्रण आणून दर कमी करावेत युरियासह सर्व खतांचा पुरवठा मुबलक प्रमाणात करावा गिरीजा नदीतील बेकायदा वाळूउपसा तत्काळ थांबवावा.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
