Jalgaon News: शासनाने कृषिपंपांना मोफत वीज देण्याची व या पंपांची वीजबिल थकबाकी माफ करण्याची घोषणा केली. त्यानुसार, राज्यात विधानसभा निवडणुकीपूर्वी पाच व साडेसात अश्वशक्तीच्या कृषिपंपांच्या वीजबिल माफीची बिले पात्र शेतकऱ्यांना देण्यात आली. .पण निवडणुकीनंतर देखील ही वीजबिल माफी कायम आहे अथवा नाही, याबाबत शेतकऱ्यांत संभ्रम आहे. तसेच दहा अश्वशक्तीच्या कृषिपंपांना देखील वीजबिल माफी मिळावी, अशी मागणी त्यांच्याकडून केली जात आहे..Agriculture Development: शेतकऱ्यांनी प्रक्रियायुक्त उत्पादननिर्मितीवर भर द्यावा.यापूर्वी शासनाने वीजबिल माफीची सवलत किंवा माफी फक्त पाच ते साडेसात अश्वशक्तीच्या कृषिपंपांसाठी दिली होती. दहा अश्वशक्तीच्या कृषिपंपांना यातून वगळण्यात आले होते. खानदेशात सुमारे पाच लाख कृषिपंप दहा अश्वशक्तीचे असून, या पंपांनाही थकबाकी व वीजबिल माफीचा लाभ मिळावा, अशी मागणी शेतकऱ्यांनी केली आहे..दरम्यान, संपूर्ण राज्यातूनच कृषिपंपांच्या वीजबिलमाफीबाबत स्पष्ट धोरण जाहीर करण्याची मागणी होत असली तरी खानदेशात हा प्रश्न अधिक दाहक बनला आहे. जळगाव जिल्ह्यात सुमारे साडेआठ लाख कृषिपंप आहेत. यात कमाल कृषिपंप दहा व त्यापेक्षा अधिक अश्वशक्तीचे आहेत, तसेच साडेसात अश्वशक्तीपर्यंतचे फक्त एक लाख कृषिपंप आहेत..Electricity Bill Dues: चार लाख ग्राहकांकडे २८२ कोटी वीजबिल थकबाकी.त्यापैकी चोपडा तालुक्यात फक्त नऊ हजार कृषिपंप साडेसात अश्वशक्तीपर्यंतचे आहेत. धुळ्यात एकूण तीन लाख कृषिपंप आहेत. यातही अनेक कृषिपंप दहा अश्वशक्तीचे आहेत. नंदुरबार जिल्ह्यातही सुमारे साडेतीन लाख कृषिपंप आहेत. या जिल्ह्यातही अनेक कृषिपंपधारक वीजबिल व थकबाकीच्या माफीपासून मागील वेळेस वंचित राहिल्याचे दिसत आहे. यामुळे शेतकऱ्यांत नाराजीचे वातावरण असल्याचे चित्र आहे..जिल्हे कृषिपंपांची संख्या (लाखांमध्ये)जळगाव ८.५०नंदुरबार ३.५०धुळे ३.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
