Jalgaon News: जळगाव जिल्ह्यात सूक्ष्मसिंचन अनुदान मागील वेळेस उशिरा मिळाले. यात मागील वर्षात अनुदानासंबंधी अर्ज दाखल केलेले अनेक शेतकरी या अनुदानापासून वंचित आहेत. यात यंदाही यासंबंधीचे अर्ज स्वीकारण्यात आले. पण अर्ज मंजूर करून पुढे सर्वेक्षण, पाहणी अहवाल आदी कार्यवाही प्रलंबित आहे. .पुढे अनुदान मिळेल की नाही, असा संभ्रम आहे. खानदेशात जळगाव, चोपडा, यावल, रावेर, जामनेर भागांतही अनुदानाच्या प्रतीक्षेत असलेल्या शेतकऱ्यांना न्याय मिळावा, अशी मागणी केली जात आहे. शासनाने मागील वर्षी ऑक्टोबर महिन्यातच ठिबकबाबत अनुदान मंजूर केले होते. निवडणुकीपूर्वी ही कार्यवाही झाली..Drip Irrigation Subsidy: ठिबक वितरक नोंदणीची अट तूर्त रद्द .नंतर निवडणूक काळात अनुदान आले नाही. जिल्ह्यासाठी सुमारे २५ कोटी रुपये अनुदान प्राप्त झाले होते हे. हे अनुदान प्राप्त झाल्यानंतर त्याचे अनेक दिवस वितरणच झाले नाही. परंतु नोव्हेंबरमध्ये काही भागांत अनुदान देण्यात आले. अनुदान डीबीटी पद्धतीने देण्यात आले. अनेकांना दुसरा हप्ता एप्रिलमध्ये प्राप्त झाला..अजूनही जिल्ह्यात सुमारे चार हजारांवर शेतकरी अनुदानाच्या प्रतीक्षेत आहेत. तर यंदा ज्यांनी अर्ज सादर केले, त्यांना अनुदान मिळेल की नाही, असा संभ्रम आहे. अनेक शेतकऱ्यांनी ठिबक खरेदी करून अर्ज सादर केले आहेत. त्यासाठी मोठा निधी लागला आहे. हा निधी उसनवारीने पैसे घेऊन उभारावा लागल्याची प्रकरणेही आहेत. कारण ठिबक उधारीवर कुणी देत नाही. पूर्वी शासनाकडून अनुदान मिळण्याची हमी होती. .Irrigation Subsidy : ठिबक अनुदानाबाबत संभ्रम.यामुळे ठिबक वितरक उधारीवर किंवा निम्मा खर्च घेऊन देत होते. परंतु मागील दोन वर्ष अनुदानास होणारा विलंब, कृषी विभागाकडून होणारी टोलवाटोलवी आणि शासनस्तरावरील अस्थिरता यामुळे वितरकही संभ्रमात व सावध आहेत. महाडीबीटी पोर्टलवर यासंबंधीचे अर्ज स्वीकारले जात नव्हते. नंतर अर्ज स्वीकृती सुरू झाली. पण अर्ज स्वीकृतीनंतर ते मंजूर करणे, शेतकऱ्यांना कागदपत्र अपलोड करण्यासंबंधी सूचना व पुढील पाहणी, सर्वेक्षण ही कार्यवाही अनेक भागात झालेली नाही. ठिबक अनुदानाबाबत अधिकची अडचण यंदाही दिसत आहे..अनेकांनी अनुदान मिळेल, या अपेक्षेने ठिबक संच अधिकचे घेतले आहेत. तसेच तुषार संचही अनेकांनी घेतले आहेत. काही ठिबक वितरकांनी विश्वासावर उधारीने शेतकऱ्यांना अनुदान येईल, यासाठी ठिबक दिले आहे. परंतु शासनस्तरावरून दिलासादायक आदेश, माहिती मिळत नाही. अनेकदा हे अनुदान निवडणुका पुढे असताना येते व त्याबाबतचे आदेश येतात. यामुळेदेखील शेतकरी, वितरकांत ठिबक अनुदानासंबंधी संभ्रम आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
