Pune News: यंत्रे व अवजारे खरेदीनंतर शेतकऱ्यांनी मुदतीत बिले अपलोड करण्याची अट राज्याच्या कृषी अभियांत्रिकी संचालनालयाने तूर्त शिथिल केली आहे. शेतकऱ्यांची गैरसोय टाळण्यासाठी अभियांत्रिकी विभागाचे संचालक अंकुश माने यांनी राज्यातील सर्व जिल्हा अधीक्षक कृषी अधिकाऱ्यांना यापूर्वीच लेखी आदेशदेखील जारी केले आहेत. .“शेतकऱ्यांना यंत्रे व अवजारे खरेदी करण्यास राज्यभर विलंब होतो आहे. त्यामुळे पूर्वसंमतिपत्रे प्रदान केल्यानंतर ३० दिवसांच्या आत शेतकऱ्यांना खरेदीची देयके अपलोड करण्यात अडचणी येत आहेत. त्यामुळे देयके सादर करण्यासाठी संचालनालयाने यापूर्वी निश्चित केलेली अट सद्यःस्थितीत विचारात घेऊ नका,” असे सर्व विभागीय कृषी सहसंचालकांनाही कळविले आहे..Farm Equipment: खेड तालुक्यात ‘महाडीबीटी’तून ट्रॅक्टर, शेती अवजारांचे वाटप.कृषी यांत्रिकीकरण योजनेतून चालविले जाणारे कृषी यांत्रिकीकरण उप अभियान, राज्य पुरस्कृत कृषी यांत्रिकीकरण व राष्ट्रीय कृषी विकास योजनेतील ‘डीपीआर बेस्ड’ कृषी यांत्रिकीकरण अशा तीनही योजनांमधून अवजारांची खरेदी केलेल्या शेतकऱ्यांकरिता ही अट तूर्त लागू नसेल. २०२५-२६ या आर्थिक वर्षात कृषी यांत्रिकीकरणाच्या या तीनही योजनांमधून कोट्यवधी रुपये अनुदानाची संमतिपत्रे वाटण्यात आलेली आहेत..Agricultural Equipment Bank: महिला गटाने उभारली कृषी अवजारे बँक.या संमतिपत्रांवर अनुदान हवे असल्यास ३० दिवसांत खरेदीचे देयक अपलोड करा, अशी अट यापूर्वीच नमूद करण्यात आलेली होती. “शेतकऱ्यांना सध्या बाजारात त्यांच्या पसंतीची अवजारे व यंत्रे वेळेत मिळत नाहीत. त्यामुळे या अटीचे पालन कसे होणार, याच्या चिंतेत शेतकरी होते. त्याविषयी अभियांत्रिकी संचालनालयाकडे क्षेत्रीय पातळीवरुन अडचणी कळविण्यात आल्या होत्या. त्यातून आता ही अट शिथिल केल्यामुळे शेतकऱ्यांना दिलासा मिळाला आहे,” असे एका जिल्हा अधीक्षक कृषी अधिकाऱ्याने सांगितले..तपासणी अहवाल देण्याची सुविधा बंदयंत्रे व अवजारांचा तपासणी अहवाल महाडीबीटी संकेतस्थळावर अपलोड करण्याची शेतकऱ्यांना मिळणारी सुविधा आता बंद करण्यात आलेली आहे. त्यामुळे शेतकऱ्याला पूर्वसंमतिपत्र देताना आता संबंधित सहायक कृषी अधिकारी व तालुका कृषी अधिकाऱ्यांनीच अहवाल तपासून घ्यावा व त्यानंतरच पूर्वसंमती द्यावी. यासाठी अधिकाऱ्यांनी https://farmech.dac.gov.in/ShowReport ही लिंक वापरावी, असे अभियांत्रिकी संचालनालयाने सूचित केले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
