Solapur News: सप्टेंबर महिन्यात सोलापूर जिल्ह्यात झालेली अतिवृष्टी व महापुरात लाखो हेक्टरवरील पिकांचे नुकसान झाले. या नुकसानीची भरपाई सध्या दिली जात आहे. मोहोळ तालुक्यातील चार, माळशिरस तालुक्यातील दोन आणि पंढरपूर तालुक्यातील एक अशा ७ महसूल मंडलातील बाधित शेतकऱ्यांना शासनाकडून मदत मिळाली होती. .मदत देण्याची प्रक्रिया करण्यात आली नव्हती. सात पैकी सहा महसूल मंडलातील बाधित शेतकऱ्यांची यादी अपलोड झाली आहे. भंडीशेगाव (ता. पंढरपूर) मंडलातील शेतकऱ्यांची यादी शुक्रवारपर्यंत (ता. २८) अपलोड होईल, अशी माहिती जिल्हाधिकारी कुमार आशीर्वाद यांनी दिली आहे..Farmer Relief Fund: नुकसानग्रस्त शेतकऱ्यांना ४४ हजार कोटींचे पॅकेज दिले: अजित पवार.मोहोळ तालुक्यातील पेनूर, शेटफळ, टाकळी सिकंदर, वाघोली, माळशिरस तालुक्यातील दहिगाव आणि नातेपुते व पंढरपूर तालुक्यातील भंडीशेगाव महसूल मंडलातील बाधित शेतकऱ्यांचे पंचनामे करून हा प्रस्ताव शासनाला पाठविण्यात आला होता. या प्रस्तावावर शासनाने भरपाईची रक्कम मंजूर केली होती..शेजारच्या मंडलातील शेतकऱ्यांना भरपाईचे पैसे जमा होत असताना, आम्हाला पैसे का जमा होत नाहीत?, अशी विचारणा या सात महसूल मंडलातील शेतकऱ्यांकडून केली जात होती. शेतकऱ्यांना मदत देण्यासाठी आवश्यक असलेली प्रशासकीय प्रक्रिया आता राबविण्यास सुरवात झाली आहे..Farmer Compensation: जिल्ह्यात अतिवृष्टीग्रस्तांना भरपाईवाटपाचा विलंब.दहिगाव, नातेपुते, पेनूर, शेटफळ, टाकळी सिकंदर, वाघोली या सहा महसूल मंडलातील बाधित शेतकऱ्यांची यादी पोर्टलवर अपलोड करण्यात आली आहे. भंडीशेगाव महसूल मंडलातील बाधित शेतकऱ्यांची यादी शुक्रवारपर्यंत अपलोड केली जाणार आहे. त्यानंतर या सातही महसूल मंडलातील शेतकऱ्यांना त्यांच्या थेट बँक खात्यावर मदत मिळण्यास सुरवात होणार आहे..४८ कोटींची मदतया सात महसूल मंडलातील बाधित शेतकऱ्यांसाठी ४८ कोटी रुपये मंजूर झाले आहेत. याद्या अपलोड झाल्यानंतर आता ज्या शेतकऱ्यांकडे फार्मर आयडी आहेत, ज्या शेतकऱ्यांची ई-केवायसी झालेली आहे, ज्या शेतकऱ्यांच्या पंचनाम्यातील नावात व फार्मर आयडीतील नावात काहीही तफावत नाही, अशा शेतकऱ्यांना साधारणः डिसेंबरच्या पहिल्या आठवड्यापासून बँक खात्यात मदत होण्यास सुरवात होण्याची शक्यता आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
