Kolhapur News : शेतकऱ्यांना हमीभावाचा लाभ मिळावा आणि त्यांना शेतीमाल विक्रीसाठी सुलभ सुविधा मिळावी, यासाठी जिल्ह्यात आधारभूत खरेदी केंद्रांची संख्या वाढवा. भात, नाचणी आणि सोयाबीनच्या खरेदीसाठी शेतकऱ्यांना स्थानिक पातळीवर सोईस्कर सुविधा द्या, असे आदेश जिल्हाधिकारी अमोल येडगे यांनी दिले. .यंदाच्या २०२५-२६ खरेदी हंगामाच्या पूर्वतयारीसाठी जिल्हाधिकारी कार्यालयातील शाहू सभागृहात बैठक झाली. या वेळी ते बोलत होते. जिल्हाधिकारी येडगे म्हणाले, की ग्रामीण आणि दुर्गम भागातील शेतकऱ्यांनाही योग्य दर आणि धानासाठी अतिरिक्त बोनस मिळावा, यासाठी नवीन खरेदी केंद्रे प्रस्तावित करणे गरजेचे आहे. .MSP Tur Procurement : हमीभावाने ४० हजार ९०१ क्विंटल तूर खरेदी.यंदा धानाला २३६९ रुपये, नाचणीला ४,८८६ रुपये आणि सोयाबीनला ५,३२८ रुपये प्रति क्विंटल इतका हमीभाव निश्चित झाला आहे. सर्व तालुक्यांमध्ये धान्य खरेदी केंद्रांसाठी उपअभिकर्ता संस्थांची नेमणूक करा. इच्छुक सहकारी तालुका खरेदी-विक्री संघ, सहकारी संस्था आणि फार्मर प्रोड्यूसर संस्थांना पणन महासंघाच्या अटी व निकषांनुसार प्रस्ताव सादर करावेत. .MSP Procurement: हमीभाव खरेदी प्रक्रिया जलद राबवा: मंत्री रावल.जिल्हा उपनिबंधक (सहरी संस्था) नीलकंठ करे, जिल्हा अधीक्षक कृषी अधिकारी जालिंदर पांगरे, जिल्हा पणन अधिकारी गजानन मगरे, पणन महासंघाच्या संचालिका धनश्रीदेवी घाटगे उपस्थित होते..शेतकऱ्यांनी हमीभावासाठी हे करावेजवळच्या अधिकृत प्रस्तावित केंद्रावर किंवा ऑनलाइन पोर्टलवर नोंदणी करा.आधार कार्ड, ७/१२ उतारा, बँक पासबुक आणि पिकाची माहिती तयार ठेवा. कृषी सहायक, तलाठी, तालुका कृषी विभाग, तहसील कार्यालय किंवा जिल्हा पणन अधिकारी कार्यालय, कोल्हापूर येथे संपर्क साधा..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
