Latur News: दिवसेंदिवस तापमानाचा पारा खाली येताना दिसत आहे. त्यामुळे सर्वदूर थंडी वाढल्याचे चित्र आहे. उत्तरेकडे थंड वाऱ्याचा जोर वाढल्याने राज्यात कडाक्याची थंडी पडली असून लातूर जिल्ह्यात देखील कडाक्याची थंडी अनुभवायला मिळत आहे. उत्तरेकडील वाढत्या शीत लहरींमुळे राज्यात पुढील काही दिवस कडाक्याची थंडी राहणार असल्याचा अंदाज हवामान विभागाने वर्तवला आहे..थंडीची लाट किंवा शीत लहर ही एक हवामानीय घटना आहे, ज्यामुळे विशिष्ट क्षेत्रातील तापमान सरासरीपेक्षा खूप कमी होते. थंडीच्या लाटेमुळे उच्च वेगाच्या थंड वाऱ्यांचा अनुभव येतो, ज्यामुळे हवामान प्रत्यक्षात आहे त्यापेक्षा जास्त थंड वाटते..Cold Wave: राज्यात थंडीचा कडाका कायम; राज्यातील थंडीची लाट ओसरली; गारठा कायम राहणार.ही घटना अचानक घडू शकते किंवा काही दिवसांपर्यंत टिकू शकते, ज्यामुळे मानवी जीवन, शेती, पशुधन, वन्यजीव प्रभावित होण्याची शक्यता असते. त्यातच लातूर शहरात रविवारी (ता. १४) तापमानाचा पारा ११ अंश सेल्सियसपर्यत पोचला होता. तर जिल्ह्यातील अनेक भागात तापमानाचा पारा १० अंशाच्या खाली गेल्याचे दिसून आले..Maharashtra Cold Wave: राज्यातील ७ जिल्ह्यांमध्ये थंडीची लाट राहणार; पुढील आठवडाभर राज्यात थंडी कशी राहील?.वाढत्या शीत लहरीमुळे शरीराच्या तापमानावर विपरीत परिणाम होतो, ज्यामुळे शारीरिक समस्या उद्भवू शकतात. विशेषतः आरोग्याच्या दृष्टीने अति जोखीम घटक जसे की, गरोदर महिला, लहान बालके, वयोवृद्ध नागरिक, श्वसनाच्या आजारांच्या व्यक्ती हे अधिक प्रभावित होण्याची शक्यता असते. .या अनुषंगाने, जिल्ह्यातील आरोग्य संस्थांना त्यांच्या संबंधित कार्यक्षेत्रात मोठ्या प्रमाणात जनजागृती करणे बाबतच्या मार्गदर्शक सूचना जिल्हास्तरावरून देण्यात आलेल्या असून वाढत्या थंडीपासून नागरिकांनी स्वतःचा बचाव करण्यासाठी, सुरक्षित रहाण्यासाठी विशेष काळजी घ्यावी, असे आवाहन जिल्हा परिषदेचे मुख्य कार्यकारी अधिकारी राहुल कुमार मीना व आरोग्य अधिकारी डॉ. बालाजी बरुरे यांनी केले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
