Jalgaon News: मागील काही दिवसांपासून खानदेशात ढगाळ, विषम वातावरण आहे. याचा फटका बाजरी पिकास बसत असून, उगवणीवरही परिणाम झाला आहे. बाजरीची पेरणी स्थिर आहे. अनेक शेतकऱ्यांनी चाऱ्यासह धान्यासाठी बाजरीची पेरणी केली आहे. पेरणी जळगाव जिल्ह्यात सुमारे चार हजार हेक्टरवर झाली आहे. धुळे व नंदुरबारात मिळून सुमारे साडेतीन हजार हेक्टरवर बाजरी पीक आहे. .खानदेशात कमी पाऊसमान राहिल्यास पेरणी साडेपाच हजार हेक्टरपर्यंत केली जाते. तर पाऊसमान चांगले राहिल्यास पेरणी सात हजार हेक्टरवर केली जाते. अनेकांनी पेरा डिसेंबरअखेर आणि जानेवारीत केला..Weather Impact: ढगाळ वातावरणाने चिंता.या कालावधीत अधिकची थंडी होती. किमान तापमान सात ते सहा अंश सेल्सिअसदेखील काही भागात त्या कालावधीत होते. धुळ्यात अधिक थंडी होती. यात बाजरीच्या उगवणीवर परिणाम झाला. तसेच या महिन्यातही किमान तापमान सरासरी १३ अंश सेल्सिअस एवढे राहिले आहे. बाजरीच्या उगवणीसाठी कमाल ३५ व किमान १५ ते १६ अंश सेल्सिअस तापमान अनुकूल मानले जाते. परंतु तापमान कमी आहे. त्यात ढगाळ वातावरणही मागील काही दिवसांपासून आहे..Weather Impact : पावसाचा उडीद, मुग पिकास फटका.बेवडसाठी बाजरीस पसंतीजळगाव जिल्ह्यातील चोपडा, चाळीसगाव, भडगाव, पारोळा, अमळनेर, जामनेर या भागात बाजरी पीक आहे. केळी पिकाच्या बेवडसाठीदेखील अनेकांनी बाजरीची पेरणी केली आहे..तर धुळ्यातील शिरपूर, शिंखेडा, साक्री व धुळे या सर्वच भागात कमी अधिक क्षेत्रात बाजरी पीक आहे. नंदुरबारातील नवापूर, नंदुरबार भागात बाजरीची पेरणी बऱ्यापैकी झाली आहे. बेवडसाठी अनेकांनी बाजरीची पेरणी केली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
