Nanded News: जिल्ह्यात दिवाळीनंतर थंडीचे प्रमाण वाढून रब्बीतील पिकांना पोषक वातावरण तयार झाले होते. दोन दिवसापूर्वी १० अंश सेल्सिअसपर्यंत खालावलेल तापमानाचा पारा १६ अंशावर पोचला आहे. परंतु मागील दोन दिवसापासून ढगाळ वातावरण असल्यामुळे थंडी गायब झाली आहे. यामुळे पिकावर किडींच्या प्रादुर्भावासह वाढीवरही विपरीत परिणाम होण्याची शक्यता व्यक्त होत आहे..नांदेड जिल्ह्यात रब्बी हंगामात यंदा साडेतीन लाख हेक्टर क्षेत्रावर पेरणी अपेक्षीत आहे. यात सर्वाधीक क्षेत्रावर हरभरा पेरला जातो. यासोबतच गहू, करडई, रब्बी ज्वारी, मका या पिकांचाही पेरणीमध्ये समावेश असतो. .Maharashtra Weather Update : ढगाळ हवामानासह किमान तापमानात वाढ शक्य.पावसाळ्यात यंदा पावसाचे प्रमाण १३७ टक्क्यांपर्यंत झाले होते. यामुळे यंदा थंडीचे प्रमाण चांगले असेल असा अंदाज व्यक्त करण्यात आला. तसेच पिकांच्या वाढीसाठी अनुकूल वातावरण मानले जाते आहे. परंतु नांदेड जिल्ह्यात मागील दोन दिवसापासून ढगाळ वातावरण येऊन थंडी गायब झाली आहे. यामुळे हरभऱ्यासह तुरीवर अळीचा प्रादुर्भाव होण्याची शक्यता व्यक्त होत आहे..Soil Testing: अतिवृष्टीनंतर रब्बी पिकांच्या पेरणीपूर्वी माती परीक्षणकरुन खतांचे नियोजन.गहू पिकाच्या वाढीवरही परिणाम होईल, असा अंदाज व्यक्त होत आहे. जिल्ह्यात मागील दहा दिवसात तापमानाचा पारा १० अंशापर्यंत खाली गेला होता. १७ नोव्हेंबर रोजी किमान ११.० तर कमाल २८.२ अंश सेल्सिअस तापमानाची नोंद झाली. तर १८ नोव्हेंबर रोजी कमाल १०.५ तर किमान २८.२ अंश सेल्सिअस, १९ नोव्हेंबर रोजी किमान १०.२ अंश सेल्सिअस तर कमाल २८.५ .अंश सेल्सिअस, २० नोव्हेंबर रोजी किमान ११.० अंश सेल्सिअस तर कमाल २९.२ अंश सेल्सिअस, २१ नोव्हेंबर रोजी किमान ११.८ अंश सेल्सिअस तर कमाल २९.२ अंश सेल्सिअस, २२ नोव्हेंबर रोजी किमान १४.० अंश सेल्सिअस तर कमाल ३१.७ अंश सेल्सिअस, २३ नोव्हेंबर रोजी किमान १५.६ अंश सेल्सिअस तर कमाल ३३.० अंश सेल्सिअस, २४ नोव्हेंबर रोजी १६.० अंश सेल्सिअस तर कमाल ३३.३ अंश सेल्सिअस तापमानाची नोंद झाली आहे. या कमी-अधिक तापमानामुळे नागरिक मात्र बिमार पडले आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.