Amravati News: ढगाळ वातावरणाच्या परिणामी आंबिया बहरातील संत्रा फळांना अपेक्षित सूर्यप्रकाश मिळाला नाही. त्यामुळे त्यात गोडवा (ब्रिक्स) निर्माण न झाल्याने प्रक्रिया उद्योजकांनी देखील लहान आकाराच्या फळांच्या खरेदीकडे पाठ फिरविली. परिणामी, संत्रा पट्ट्यात चुरा (लहान आकाराची) फळांच्या विल्हेवाटीचा प्रश्न गंभीर झाला आहे..राज्यात सुमारे दीड लाख हेक्टर तर एकट्या अमरावती जिल्ह्यात सुमारे १ लाख हेक्टरवर संत्र्याखालील क्षेत्र आहे. त्यातच मोर्शी आणि वरुड या दोन तालुक्यांत सर्वाधिक लागवड असल्याने या भागाला विदर्भाचा कॅलिफोर्निया असेही म्हटले जाते. संत्रा बागायतदार आंबिया आणि मृग असे दोन बहर घेतात. या माध्यमातून सुमारे दहा लाख टन फळांचे उत्पादन होते..Orange Orchard Crisis: संत्र्याचा मृग बहर वाशीममध्ये संकटात.यातील ३० टक्के फळे ही लहान आकाराची राहतात. नांदेड येथील सिट्रस इंडिया या उद्योगाकडून पूर्वी या फळांची खरेदी प्रकियेकामी होत होती. आता हा प्रकल्प विलास शिंदे संचालीत सह्याद्री फार्मर प्रोड्यूसर कंपनीकडून खरेदी करण्यात आला आहे. सह्याद्रीने शेतकऱ्यांना दिलासा देत गेल्या काही वर्षांपासून लहान आकाराच्या संत्रा फळांच्या खरेदीत सातत्य राखले..मात्र यंदा काही कारणांमुळे खरेदीत अडचणी आल्या. त्याबरोबरच मोठा गाजावाजा करुन नागपुरातील मिहानमध्ये कार्यान्वित झालेल्या पतंजलीच्या फूड पार्कमधील संत्रा प्रकिया उद्योगाची चाकेच फिरली नाहीत. परिणामी यंदाच्या हंगामात चुरा संत्रा फळांच्या विल्हेवाटीचा प्रश्न गंभीर झाला आहे..Nagpur Orange : सततचा पाऊस, किडीमुळे संत्र्यांचे ५० टक्क्यांपर्यंत नुकसान.बागायतदार यामुळे सैरभैर झाल्याचे चित्र असून अशाप्रकारच्या फळांना खरेदीदार नसल्याने ती रस्त्यावर फेकून देण्याची वेळ आली आहे. यातूनच बागांमध्ये पुढे बुरशीजन्य रोगांचा प्रादुर्भाव वाढण्याची भीती वर्तविली जात आहे..तांत्रिक कारणामुळे ‘सह्याद्री फार्म्स’मधील प्रकल्प बंदसह्याद्री फार्मर प्रोड्यूसर कंपनीच्या सूत्रांशी या संदर्भाने संपर्क साधला असता त्यांनी, यंदाच्या हंगामात पावसाची संततधार होती. त्यामुळे फळांना सूर्यप्रकाशच मिळाला नाही, त्यातूनच अपेक्षित गोडवा न आल्याने प्रक्रियेकामी अशा फळांचा उपयोग करताना अडचणी येतात. मात्र त्यानंतरही सुरुवातीच्या टप्प्यात चुरा फळांची खरेदी करण्यात आली. काही तांत्रिक कारणांमुळे देखील प्रकल्प बंद होता, आता नियमित सुरू होईल, असे सांगण्यात आले..२० किलोच्या क्रेट किंवा बॉक्स पॅकिंगमध्ये ९६, १४१, १७१, २०५ या संख्येत फळे बसतात. त्यांना त्यानुसार ९६, १४१ दाणा असे संबोधित आकारानुसार चांगल्या प्रतीची फळे म्हटले जाते. उर्वरित सर्व आकाराची संत्रा फळे ही चुरा राहतात. एकूण उत्पादनाच्या ती ३० टक्के मिळतात.- श्रीधर ठाकरे, कार्यकारी संचालक, महाऑरेंज.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
