Nagpur News: भारत आणि अमेरिका यांच्यात झालेल्या व्यापार करारात शेतकऱ्यांशी संबंधित संवेदनशील उत्पादने आणि जनुकीय सुधारित (जीएम) पिकांच्या उत्पादनांबाबत केंद्र सरकारने अधिक स्पष्ट भूमिका मांडावी, अशी मागणी भारतीय किसान महासंघाने केली आहे..महासंघाचे महासचिव मोहिनी मोहन मिश्रा यांनी या संदर्भाने प्रसिद्धी दिलेल्या पत्रकारानुसार, व्यापार कराराबाबत केंद्रीय वाणिज्यमंत्री यांनी घेतलेल्या पत्रकार परिषदेत गहू, तांदूळ यांसारखी धान्ये, दूध व दुग्धजन्य पदार्थ, फळभाज्या तसेच मसाले या कराराच्या कक्षेबाहेर ठेवण्यात आल्याचे जाहीर केले, हे अभिनंदनीय आहे. मात्र ‘शेतकऱ्यांशी संबंधित संवेदनशील उत्पादने’ हा शब्दप्रयोग नेमका कोणत्या बाबींना लागू होतो, यावर सरकारने सविस्तर आणि पारदर्शक माहिती द्यावी, असे मिश्र यांनी स्पष्ट केले..GM Crops: दक्षिण आशियायी देशांत जीएम पिके सरकारी कात्रीत.विशेषतः अमेरिकेत मोठ्या प्रमाणावर प्राण्यांच्या खाद्यासाठी वापरल्या जाणाऱ्या जीएम पिकांच्या उत्पादनांना कोणत्याही परिस्थितीत, कोणत्याही नावाने किंवा अटींवर देशात प्रवेश मिळू नये, ही भारतीय किसान संघाची ठाम भूमिका असल्याचे त्यांनी सांगितले. सध्या भारतात अन्नधान्य पिकांमध्ये जीएम तंत्रज्ञानाला अद्याप परवानगी देण्यात आलेली नाही..याबाबत संशोधन, तपासणी आणि मूल्यांकन सुरू असून, मानवी आरोग्य व पर्यावरणावर होणाऱ्या संभाव्य दुष्परिणामांबाबत गंभीर चिंता व्यक्त होत आहे. अनेक ठिकाणी जीएम पिके अपेक्षेप्रमाणे यशस्वी ठरत नसल्याचेही अनुभव समोर आले आहेत. त्यामुळे देशभरातून त्याला विरोध होत असल्याकडेही मिश्र यांनी लक्ष वेधले..GM Crop Technology: ‘जीएम’ तंत्रज्ञानाबाबत सरकारला मर्यादा: केंद्रीय कृषिमंत्री शिवराजसिंह चौहान.व्यापारापेक्षा देशातील नागरिकांचे आरोग्य, जैवविविधतेचे संरक्षण आणि स्वदेशी संशोधनाची दिशा अधिक महत्त्वाची असल्याचे नमूद करत जीएम पिकांवर कठोर नियंत्रण ठेवणे आवश्यक असल्याचा पुनरुच्चार त्यांनी केला..भारत-अमेरिका व्यापार करारातील या संवेदनशील मुद्द्यांवर सरकारकडून पूर्ण स्पष्टता आल्यानंतरच भारतीय किसान संघ आपली अंतिम भूमिका जाहीर करेल, असेही त्यांनी सांगितले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
