CJP Protest Delhi Update: दिल्लीतील जंतर-मंतरवर हजारो कॉकरोच जनता पार्टी (सीजेपी) च्या समर्थक तरुणांचे आंदोलन सुरूच आहे. त्यांच्या आंदोलनाला देशभरातून पाठिंबा मिळत असून, यामुळे केंद्र सरकारवर दबाव वाढत आहे. शिक्षण व्यवस्थेत सुधारणा करावी आणि शिक्षणमंत्री धर्मेंद्र प्रधान यांच्या राजीनाम्याची मागणी करणाऱ्या तरुणांच्या आंदोलनाची व्याप्ती वाढत चालली आहे. या पार्श्वभूमीवर आता सरकारने 'सीजेपी'शी चर्चेची तयारी दर्शवली आहे. .पण सरकारसोबत चर्चेसाठी 'सीजेपी'ने काही अटी ठेवल्या आहेत. आम्ही कोणाच्याही घरी अथवा कार्यालयात चर्चेसाठी जाणार नाही. येथे 'जनता दरबार' आहे आणि जर मंत्र्यांना आमच्याशी खरंच चर्चा करायची असेल, तर त्यांनी लोकांपर्यंत यावे, अशी भूमिका 'सीजेपी'चे मुख्य प्रवक्ते सौरव दास यांनी स्पष्ट केली. .आज सकाळी पोलिसांनी पुन्हा आमच्याकडे संपर्क साधला आणि आम्हाला सांगितले की केंद्रीय मंत्री जे. पी. नड्डा यांना चर्चा करायची आहे. त्यांनी त्यांच्या निवासस्थानी चर्चेसाठी बोलावले आहे. पण आम्ही त्यासाठी स्पष्टपणे नकार दिला. आमच्याशी चर्चा ही जंतर- मंतरवर व्हावी. जर सरकारला खरंच आंदोलनस्थळी चर्चा करण्यास सुरक्षित वाटत नसेल, तर आम्ही जंतर- मंतरजवळ एका तटस्थ ठिकाणी भेटून चर्चेसाठी तयार आहोत. यावर अजून त्यांच्याकडून काही उत्तर आलेले नाही. आम्हाला निरर्थक चर्चा करायची नाही. आमचा वेळ मौल्यवान आहे. हजारो लोक आंदोलनात सहभागी होत आहेत. सरकारने हे स्पष्ट करावे की त्यांचा खरंच आमच्याशी संवाद साधण्याचा हेतू आहे का? असा सवाल दास यांनी केला. .CJP Protest: ‘सीजेपी’चा आंदोलन सुरूच ठेवण्याचा निर्धार; विद्यार्थ्यांवर हल्ल्याचा दिल्ली पोलिसांवर आरोप.'आता आम्ही मागे हटणार नाही'देशातील तरुण आता गप्प बसणार नाहीत. अनेक अनावश्यक विषयांकडे लक्ष वळवून महत्त्वाच्या मुद्द्यांकडे दुर्लक्ष झाले आहे. आता आम्ही खऱ्या मुद्द्यांसाठी ठामपणे उभे आहोत आणि आता आम्ही मागे हटणार नाही. जोपर्यंत केंद्रीय शिक्षण मंत्री धर्मेंद्र प्रधान राजीनामा देत नाहीत तोपर्यंत आम्ही जंतर- मंतर सोडणार नाही, असा इशारा कॉकरोच जनता पार्टीचे (सीजेपी) प्रवक्ते आशुतोष रांका यांनी सरकारला दिला..CJP Protest Delhi: जेपी नड्डा- कॉकरोच जनता पार्टीमध्ये चर्चा, धर्मेद्र प्रधानांच्या राजीनाम्यासह ३ मागण्या, दिल्लीत आंदोलन सुरुच.२० जुलै रोजी विद्यार्थ्यांवर बळाचा वापर करणाऱ्या दिल्ली पोलिसांना आम्हाला शांततापूर्ण आंदोलनांबाबत सल्ला देण्याचा कोणताही नैतिक अधिकार नाही, असे अभिजीत दिपके आज जंतर- मंतरवर बोलताना सांगितले..मराठा आंदोलक मनोज जरांगे पाटील यांनी आज नवी दिल्लीतील जंतर- मंतर येथील आंदोलनस्थळी कॉकरोच जनता पार्टीचे संस्थापक अभिजीत दीपक यांची भेट घेऊन त्यांच्याशी चर्चा केली. यावेळी त्यांनी विद्यार्थ्यांच्या आंदोलनाला पाठिंबा दर्शवला..केजरीवाल, उद्धव ठाकरेंची संयुक्त पत्रकार परिषददिल्लीत आपचे संयोजक अरविंद केजरीवाल आणि उद्धव ठाकरे यांनी सीजेपी आंदोलनाच्या पार्श्वभूमीवर संयुक्त पत्रकार परिषद घेत त्यांची भूमिका स्पष्ट केली. पेपरफुटी होत आहे. शिक्षण व्यवस्थेत मोठे गैरव्यवहार सुरु आहेत. हे सर्व ठीक करण्याची जबाबदारी सरकारची होती. पण सरकारला अपयश आले. लोकांनी तक्रारी केल्या. पण त्यांचे निराकारण झाले नाही. यामुळे जनता रस्त्यावर उतरली. पण त्यांच्यावर क्रूरपणे लाठीचार्ज करण्यात आला. हे योग्य नाही. सरकारने त्यांचे म्हणणे ऐकून घेतले पाहिजे, अशी मागणी केजरीवाल यांनी केली. .मुंबईत काँग्रेसचे आंदोलन, विजय वडेट्टीवार पोलिसांच्या ताब्यातदिल्लीतील आंदोलनाचे तीव्र पडसाद महाराष्ट्रातही उमटले आहे. दिल्लीतील लाठीचार्जविरोधात मुंबईत तीन दिवसांपासून आंदोलन सुरु आहे. मुंबईतील आंदोलनादरम्यान आज काँग्रेसचे आमदार विजय वडेट्टीवार यांना पोलिसांनी ताब्यात घेतले. आपल्या न्यायासाठी व हक्कांसाठी शांततेच्या मार्गाने आंदोलन करणाऱ्या विद्यार्थ्यांवर मोदी सरकारने केलेला भ्याड हल्ला संतापजनक आहे. या हल्ल्याचा जाब विचारण्यासाठी, मोदी सरकारच्या या दडपशाहीचा निषेध करण्यासाठी आज महाराष्ट्र प्रदेश काँग्रेस कमिटीच्या वतीने मुंबईत आंदोलन करण्यात आले. या आंदोलनाने ही सरकारच्या पायाखालची जमीन सरकली, संविधानिक मार्गाने सुरू असलेल्या या आंदोलनावरही सरकारने पोलीस बळाचा वापर केला, अशी टीका वडेट्टीवार यांनी केली. मुंबई पाठोपाठ पुणे, नागपूर, नाशिकमध्येही विरोधी पक्षाकडून आंदोलने करण्यात आली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
