CJP Jantar Mantar Protest Updates: दिल्लीतील जंतर-मंतरवर विद्यार्थ्यांच्या आंदोलनाचे नेतृत्व करणाऱ्या 'कॉकरोच जनता पार्टी'ने (सीजेपी) त्यांच्या मागण्यांवर ठाम भूमिका कायम ठेवली आहे. शिक्षणमंत्री धमेंद्र प्रधान यांच्या राजीनाम्याशिवाय आंदोलन मागे घेणार नसल्याचे त्यांनी स्पष्ट केले आहे. दिल्लीतील कॉन्स्टिट्यूशन क्लबमध्ये आज (दि. २४) केंद्रीय मंत्री जे. पी. नड्डा आणि जितेंद्र सिंह तसेच 'सीजेपी'चे मुख्य प्रवक्ते सौरव दास आणि राष्ट्रीय प्रवक्ते आशुतोष रांका यांच्यात बैठक पार पडली. त्यांच्यामध्ये जवळपास दोन तास बैठक झाली. आमच्या तीनपैकी दोन मागण्यांवर सकारात्मक चर्चा झाली. पण धर्मेंद्र प्रधान यांच्या राजीनाम्याच्या मागणीवर कोणतीही तडजोड होणार नाही, असे सरकारसोबतच्या झालेल्या बैठकीत 'सीजेपी'कडून सांगण्यात आले..धमेंद्र प्रधानांच्या राजीनाम्याशिवाय तडजोड नाही, अशी भूमिका त्यांनी घेतली आहे. त्यांनी राजीनाम्या द्यावा अथवा त्यांना मंत्रिमंडळातून बरखास्त करावे. त्याशिवाय येथून आम्ही जाणार नाही, असा इशारा त्यांनी दिला. यामुळे सरकारवर दबाव वाढला आहे..Parliament Monsoon Session 2026: धर्मेंद्र प्रधानांचा राजीनामा होईपर्यंत चर्चा नाही, राहुल गांधींची ठाम भूमिका, लोकसभा, राज्यसभेचे कामकाज पाचव्या दिवशीही तहकूब.या बैठकीनंतर बोलताना 'कॉकरोच जनता पार्टी'चे राष्ट्रीय प्रवक्ते आशुतोष रांका म्हणाले, "शिक्षणमंत्री धर्मेंद्र प्रधान यांच्या राजीनाम्याच्या मागणीवर आम्ही ठाम आहोत. आमच्या या मागणीवर सरकारने उद्या दुपारपर्यंतचा वेळ मागितला आहे. केंद्र सरकार त्यांना लवकरच पदावरून हटवेल, अशी आशा आहे. तसेच, नीट पेपरफुटीमुळे जीवन संपवलेल्या विद्यार्थ्यांच्या कुटुंबीयांना नुकसान भरपाई आणि विद्यार्थ्यांवरील एफआयआर व कायदेशीर खटले मागे घ्यावेत या दोन मागण्या सरकारने तत्त्वतः मान्य करण्याची तयारी दर्शवली आहे.''.CJP Protest: तरुणांच्या आंदोलनाची धग वाढली, देशभरातून पाठिंबा, सरकारकडून चर्चेची तयारी, पण 'सीजेपी'ने ठेवल्या अटी .या बैठकीदरम्यान, 'सीजेपी'ने दिल्ली पोलिसांकडून होत असलेल्या कारवाईबद्दल चिंता व्यक्त केली. आंदोलनस्थळी जात असताना अथवा तिथून परतताना विद्यार्थी, स्वयंसेवक, वकील आणि अगदी जेवण पोहोचवणाऱ्या लोकांना ताब्यात घेतले जात असल्याचे त्यांनी निदर्शनास आणून दिले. .जे. पी. नड्डा काय म्हणाले?'सीजेपी'सोबत झालेल्या बैठकीनंतर बोलताना केंद्रीय मंत्री जे. पी. नड्डा म्हणाले, आमची बैठक जवळपास २ तास चालली. त्यांच्या ३ मुख्य मागण्या आहेत. त्यांनी परीक्षांसंदर्भात ५ सुधारणा सूचवल्या. आम्ही त्यांना सांगितले आहे की, उद्या दुपारी पुन्हा भेटणार आहोत आणि सरकारशी चर्चा करुन त्यांना त्याची माहिती दिली जाईल.".ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
