Farm Economy: चीनमध्ये दुधाचे दर उत्पादन खर्चाच्या खाली घसरल्याने शेतकऱ्यांना मोठा आर्थिक फटका बसत आहे. चीनमध्ये २०२६ मध्ये दूध उत्पादन ४ कोटी १८ लाख टनांवर स्थिर राहण्याचा अंदाज आहे. गाईंची संख्या घटत असली, तरी दूध उत्पादकता वाढल्याने एकूण उत्पादनावर फारसा परिणाम झालेला नाही. .अमेरिकेच्या कृषी खात्याच्या (यूएसडीए) अहवालानुसार, चीनमधील काही आघाडीच्या डेअरी फार्मवर प्रति गाय वार्षिक दूध उत्पादन १५ टनांपर्यंत पोहोचले आहे. मात्र शेतकऱ्यांना मिळणारा फार्म गेट दर प्रति किलो फक्त ३ युआन (सुमारे ३७ रुपये) आहे, तर उत्पादन खर्च ३.२ युआन प्रति किलो आहे. इनर मंगोलिया आणि शांक्सीसारख्या प्रमुख दुग्ध उत्पादक भागांमध्ये दर आणखी घसरून २.६ युआन प्रति किलोपर्यंत आले आहेत..MSP Crop Prices: एमएसपी कागदावरच; सहा पिकांची पडझड.बाजारातील अतिरिक्त दुधाचे समायोजन करण्यासाठी डेअरी कंपन्यांनी आता बटर, चीज आणि क्रीमसारख्या उच्च-मूल्य उत्पादनांच्या निर्मितीवर भर दिला आहे. पुनर्रचित दुधाच्या (रिकॉन्स्टिट्युटेड मिल्क) वापरावर निर्बंध घालणाऱ्या नव्या अन्न सुरक्षा नियमांमुळे फुल क्रीम दूध भुकटीची (पावडर) मागणी कमी झाली आहे. परिणामी, २०२६ मध्ये चीनची दूध भुकटी आयात चार लाख टनांपर्यंत घटण्याचा अंदाज आहे..Milk Price Hike: ‘अमूल’पाठोपाठ ‘गोकुळ’ दूध दरातही दोन रुपयांची वाढ.या उलट, बटर उत्पादन वाढल्याने मलईरहित दूध पावडरचे (एसएमपी) उत्पादन ७५ हजार टनांपर्यंत वाढण्याची शक्यता आहे. बेकरी आणि अन्नप्रक्रिया क्षेत्रातील वाढत्या मागणीमुळे चीज आयात मात्र २ लाख ३५ हजार टनांपर्यंत पोहोचण्याचा अंदाज आहे. युरोपियन युनियनमधून आयात होणाऱ्या चीजवर ७.४ ते ११.७ टक्के अतिरिक्त शुल्क लागू झाल्याने न्यूझीलंड आणि ऑस्ट्रेलियाकडून होणाऱ्या चीज आयातीला आणखी चालना मिळू शकते..मार्च २०२६ मध्ये शिनजियांग आणि गान्सू प्रांतात लाळ्या खुरकूत (फूट अँड माउथ डिसीज) रोगाचा उद्रेक झाला होता. मात्र त्याचा दुग्ध उत्पादनावर मोठा परिणाम झालेला नसल्याचे अहवालात नमूद करण्यात आले आहे..अन्य देशांना दीर्घकालीन धोरण आखण्याची संधीचीनने दूध भुकटीची आयात कमी केल्यामुळे न्यूझीलंड आणि ऑस्ट्रेलियाकडील अतिरिक्त डेअरी उत्पादने आंतरराष्ट्रीय बाजारात उपलब्ध होऊ शकतात. त्यामुळे जागतिक दुग्धजन्य पदार्थांच्या किमतींवर दबाव येण्याची शक्यता आहे. दुसरीकडे, ‘ईयू’च्या चीझवरील नव्या शुल्कामुळे युरोपियन चीज इतर बाजारपेठांमध्ये अधिक स्पर्धात्मक किमतीत उपलब्ध होण्याची शक्यता आहे. चीनच्या डेअरी बाजाराचा उच्च-मूल्य उत्पादनांकडील हा कल अन्य देशांतील डेअरी उद्योगासाठी दीर्घकालीन धोरण आखण्याच्या दृष्टीने महत्त्वाचा संकेत मानला जात आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
