Summer Farming: भोकरदन तालुक्यात मिरची लागवडीस शेतकऱ्यांनी सुरवात केली आहे. यंदा सहा हजार हेक्टर क्षेत्रात मिरची लागवडी केली जाणार आहे. त्यामुळे पंधरा दिवसांपासून शेतकरी भरउन्हात मिरचीसाठी शेत तयार करून मिरची लागवड करीत असल्याचे चित्र आहे..पारध परिसरात पाच वर्षांपासून हिरव्या मिरचीकडे एक नगदी पीक म्हणून शेतकऱ्यांकडून पाहिले जाते. त्यामुळे बहुतांश शेतकऱ्यांकडून दोन, पाच एकर हिरव्या मिरचीची लागवड करण्यात येते. शेतकऱ्यांकडून एप्रिल महिन्यात लागवड केलेली मिरची जून महिन्यात तोडणीला येते, तर जून महिन्यात बाजारात विक्रीसाठी मिरची जात असल्यामुळे शेतकऱ्यांना चांगला भाव मिळतो..Chilli Cultivation: रोपनिर्मितीपासून मिरची लागवडीचे संपूर्ण मार्गदर्शन.त्यामुळे ऐन खरीप पेरणीच्या तोंडावर हातात पैसा येऊन त्यातून बी-बियाणे, रासायनिक खते घेण्यासाठी पैसा मिळतो आणि कोणासमोर हात पसरायची गरज शेतकऱ्यांना पडत नाही. त्यामुळे शेतकरी नगदी पीक म्हणून मिरचीला प्राधान्य देत आहेत..Chilli Cultivation : खानदेशात मिरची लागवड सुरू.दरम्यान, पाच वर्षांपासून पाऊस दमदार पडत असल्यामुळे धरणे-नदी नाले व विहिरींच्या पाणीपातळीत वाढ झाली आहे. त्यामुळे शेतकऱ्यांकडून खरीप, रब्बी हंगामात पिके घेतली जातात..पारध परिसरातील हिरवी मिरची विक्रीसाठी पिंपळगाव रेणुकाई येथील बाजारात येते. दरवर्षी येथील हिरव्या मिरची मार्केटमधून हजारो क्विंटल मिरची ही देशाच्या अनेक भागांत विक्रीसाठी जाते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
