Nandurbar News: नंदुरबार जिल्ह्यात यंदा मिरची पिकास नैसर्गिक किंवा अतिपावसाचा फटका बसला आहे. उत्पादन हवे तसे आलेले नसून, शेतकरी आता ओल्या लाल मिरचीच्या उत्पादनाची तयारी करीत आहे..आतापर्यंत हिरव्या मिरचीची काढणी शेतकरी करून घेत होते. परंतु हिरव्या मिरचीचे दर अस्थिर किंवा कमी होत असल्याने हिरवी मिरची काढणी थांबवून ओल्या लाल मिरचीच्या उत्पादनाची तयारी शेतकऱ्यांनी केली आहे. यंदा मिरची लागवडीत काहीशी वाढ झाली. पीकस्थिती ऑगस्टपर्यंत बरी होती. चांगल्या पावसाने उगवण जोमात झाली होती, परंतु सप्टेंबर व ऑक्टोबरमध्ये झालेल्या पावसाचा फटका पिकाला बसला आहे..Crop Damage : रब्बी पेरणी, कपाशी, भाजीपाल्याला पावसाचा फटका.मिरची लागवड मागील वेळेस सुमारे ५५०० हेक्टरवर झाली होती. यंदा सुमारे ५६०० हेक्टरवर मिरची लागवड जिल्ह्यात झाली आहे. नंदुरबारातील कोठली, लहान शहादे, खोंडामळी, सुजालपूर, समशेरपूर, शहाद्यातील कुढावद, लोंढ्रा, धुरखेडा, म्हसावद, तळोद्यातील प्रतापपूर, रांझणी, बोरद आदी भागांत मिरची लागवड झाली आहे. लागवडीत काहीशी वाढ झाली..Crop Damage: मॉन्सूनोत्तर पावसामुळे उरल्यासुरल्या पिकांची नासाडी.चांगला पाऊस येईल, या अपेक्षेने जूनमध्ये लागवड सुरू झाली. या काळात पाऊसमान बरे असल्याने लागवड सुरूच राहिली. मात्र, अनेक भागांत पाण्याची समस्या होती. परंतु शेतकऱ्यांनी काटेकोर पाणी व्यवस्थापन करून लागवड केली. अनेकांचे पीक आता पाच महिन्यांचे झाले आहे. तर काही शेतकऱ्यांचे पीक साडेतीन महिन्यांचे आहे. खते व पाण्याचे व्यवस्थापनही व्यवस्थित केले जात आहे. मात्र अतिपावसाने उत्पादन कमी आले आहे. काही शेतकऱ्यांना हिरव्या मिरचीचे एकरी १०० ते १२० क्विंटल उत्पादन आले आहे..अनेक शेतकऱ्यांनी खरेदीदारांशी करार करून लागवड केली आहे. निर्यातक्षम मिरची उत्पादन करून तिची पाठवणूक आखातात करण्यासंबंधी करार काही शेतकऱ्यांनी केले आहेत. गुजरातमधील खरेदीदारांशी हे करार झाले आहेत. प्रचलित दरांपेक्षा अधिकचे दर निर्यातीच्या मिरचीस मिळतात. यामुळे हे करार अनेकांनी केले आहेत. यात दर्जेदार निविष्ठांचा पुरवठा व तांत्रिक मार्गदर्शनही शेतकऱ्यांना केले जाते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
