Jalgaon News: जळगाव जिल्ह्यात रब्बी पिकांची पेरणी पूर्ण झाली आहे. त्यात जिल्ह्यात खरिपानंतर रब्बीतही मक्याची लागवड वाढेल, असा अंदाज होता. पण रब्बीत हरभरा पीक अधिक असून, लागवड एक लाख दोन हजार हेक्टवर पोहोचली आहे. .हरभऱ्याची पेरणी जळगावात दरवर्षी एक लाख ते एक लाख १० हजार हेक्टरपर्यंत असते. परंतु मागील वेळेस हरभऱ्याखालील क्षेत्र सुमारे ९८ हजार हेक्टर एवढे होते. तर मक्याच्या क्षेत्राने रब्बीत एक लाख हेक्टरचा आकडा अनेक वर्षांत मागील वर्षी गाठला होता. खानदेशात मक्याची लागवड दीड लाख हेक्टरपेक्षा अधिक होती. २०२४ च्या हंगामात खानदेशात मक्याची लागवड सुमारे ९५ हजार हेक्टरवर झाली होती. त्यात जळगाव जिल्ह्यातील लागवड सुमारे ६० हजार हेक्टर एवढी होती. परंतु २०२५ मध्ये मका लागवडीत मोठी वाढ जळगावात झाली होती..Chickpea Cultivation : हरभऱ्याच्या भरघोस उत्पादनासाठी योग्य पद्धतीने लागवड कशी करावी?.त्या वेळेस मक्याचे टिकून असलेले दर व बाजारातील मागणी यामुळे मका लागवडीकडे शेतकऱ्यांचा कल वाढला. गव्हाचीदेखील विक्रमी ६० हजार हेक्टरवर जिल्ह्यात पेरणी झाली होती. यंदा मक्याची लागवड जळगाव जिल्ह्यात सुमारे ७५ हजार हेक्टरवर आहे. तर हरभरा पेरा सुमारे एक लाख हेक्टरपर्यंत आहे..पूर्वी गव्हाची पेरणी २० ते २२ हजार हेक्टरपर्यंत असायची. यंदा कापसाखालील मोठे क्षेत्र रोगराई, गुलाबी बोंड अळीच्या समस्येने रिकामे झाले. त्यात गहू, मका व हरभरा पेरणी झाली आहे. जळगाव जिल्ह्यात ज्वारीची सुमारे ४२ हजार हेक्टरवर पेरणी झाली आहे. तर गहू पेरणीदेखील सुमारे ६५ हजार हेक्टरवर झाली..Chickpea Cultivation: उत्पादन वाढीसाठी हरभऱ्याचे लागवड तंत्र.जिल्ह्यात यंदा जलसाठे मुबलक आहेत. गिरणा, वाघूर, हतनूर, तोंडापूर, अग्नावती, मंगरूळ, सुकी, अभोडा, अंजनी, बोरी, मन्याड आदी मोठे व मध्यम सिंचन प्रकल्प जळगावात पूर्ण भरले. त्यात गिरणा, वाघूर व हतनूरमधून रब्बीसाठी आवर्तन सोडण्यात आले आहे. यामुळे रब्बीच्या क्षेत्रात मोठी वाढ झाली आहे. जिल्ह्यात यंदा १३० टक्के पाऊस झाला..मका वाण मुबलकमागील वेळेस मका लागवड एक लाख हेक्टरवर पोहोचल्याने सर्वच मका वाणांची मोठी मागणी रब्बीत होती. मका लागवड ऑक्टोबरअखेरीस सुरू झाली होती. ही लागवड या महिन्याच्या सुरुवातीलाही झाली होती. विविध टप्प्यांत मका पीक लागवड झाली. पुढे मका वाणांची टंचाई तयार झाली. काही वाणांची विक्री जादा दरातही अनेक कृषी केंद्रांत झाली होती. पण यंदा मका वाण मुबलक आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
