Jalgaon News : खानदेशात हरभऱ्याची पेरणी यंदा ऑक्टोबरमध्ये सुरू होणार आहे. क्षेत्र यंदा सुमारे १८ ते २० हजार हेक्टरने वाढून दोन लाख ४० हजार ते अडीच लाख हेक्टरवर पेरणी होईल, अशी माहिती आहे. .सध्या ओलावा चांगला आहे. तसेच पाऊसमान अनेक भागांत चांगले राहिल्याने जलसाठे बऱ्यापैकी आहेत. यामुळे पेरणीवर परिणाम होणार नाही, अशी माहिती आहे. पेरणीत वाढ होईल. कारण सर्वच शेतकऱ्यांकडे मुबलक जलसाठे आहेत. अनेकांनी मका, ज्वारी ऐवजी हरभऱ्याची पेरणीचे नियोजन केले आहे. खानदेशात मागील तीन वर्षे रब्बीची चार लाख हेक्टरवर पेरणी झाली आहे..Chana Supply: काबुली हरभरा आवक कमी.हरभरा नेहमीच अधिकमागील वेळेसही हरभऱ्याची सर्वाधिक दोन लाख २५ हजार हेक्टरवर पेरणी झाली होती. यंदा मात्र पेरणीत आणखी काहीशी वाढ होईल, असे मानले जात आहे. हरभरा कमी खर्च व कमी पाण्यात येणारे पीक आहे. काही शेतकरी पुढे काबुली किंवा डॉलर (मॅक्सिको) हरभऱ्याची पेरणी करतील. यामुळे क्षेत्रात वाढ दिसू शकते. ही पेरणी धुळ्यातील शिरपूर, जळगावमधील चोपडा, यावल भागात होईल. ती तीन ते साडेतीन हजार हेक्टरवर होईल, असे सांगितले जात आहे..कोरडवाहू क्षेत्रातील हरभराही अपेक्षेएवढा असणारकोरडवाहू हरभऱ्याची पेरणी यंदा बऱ्यापैकी असणाार आहे. ही पेरणी करण्यासाठी अनेकांना वेळ आहे. ओलावाही आहे. सोयाबीनचे पीक आल्यानंतर त्यात हरभरा पेरणी करता येईल. या कालावधीतही ओलावा राहील, असे दिसत आहे. पूर्वमशागत करताना काहीसा वेळ लागणार आहे, पण त्याचे नियोजन शेतकऱ्यांनी केले आहे. .काही कोरडवाहूशेतीधारक शेतकऱ्यांनी नजीकच्या शेतकऱ्यांकडून पाणी उसनवार घेण्याचे नियोजनही केले आहे. कारण एक वेळेस सिंचन केल्यास पीक जोमात येते, असे शेतकरी मानतात. खानदेशात केळी, पपई आदी पिकांसाठी हरभरा पिकांचे बेवड चांगले मानले जाते. अनेकांनी जमिनीचा पोत, सुपीकता आदी बाबी लक्षात घेऊन हरभरा पेरणीचे नियोजन केले आहे. .Tur, Chana Rate: विक्रमी आयातीमुळे देशात कडधान्याचा पुरवठा अतिरिक्त.काबुली हरभऱ्याची पेरणी खानदेशात सुमारे ३० हजार हेक्टरवर होणार आहे. यात मोठा काबुली किंवा डॉलर हरभऱ्याची पेरणी सुमारे १५ हजार हेक्टरवर होणार असल्याचा अंदाज आहे. तापी, गिरणा, अनेर, पांझरा आदी नद्यांच्या क्षेत्राचे हरभरा पारंपरिक पीक आहे. याच भागात पेरणी अधिक असणार आहे, अशी माहिती मिळाली.....या भागात पसंतीहरभरा पेरणीस खानदेशात जळगावमधील रावेर, यावल, चोपडा, धुळ्यातील शिरपूर, नंदुरबारमधील शहादा, तळोदा भागांतील शेतकरी पसंती देतात. मका पीक खर्चिक बनले आहे. त्यास पाणी व फवारण्या अधिक लागतात. तसेच अमेरिकन लष्करी अळीचेही संकट असते. यामुळे अनेकांनी मका पिकाऐवजी हरभऱ्याची पेरणी करण्याचे नियोजन केले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
