Climate Smart Farming: वातावरणात सततचे होणारे बदल शेतीवर मोठ्या प्रमाणात परिणाम करतात. यावर्षी एल निनोच्या प्रभावामुळे खरीप पिकांचे नुकसान झाले. त्यामुळे येत्या रब्बी हंगामात शेतकऱ्यांसाठी बाजारात मागणी असणाऱ्या चिया सीडची लागवड करणे फायदेशीर ठरु शकते. चिया सीड हे अल्प खर्चात चांगले उत्पादन देणारे पीक आहे..चिया सीड ठरतेय पर्यायी पीकमागील काही वर्षात चीय सीडच्या रुपात एक पर्यायी पीक शेतकऱ्यांना मिळाले आहे. चीया सीड हे मूळ मध्य आणि दक्षिण मेक्सिकोतील पुदिना पिकाच्या फॅमिलीमधील पीक आहे. हे पीक इतर पिकांपेक्षा काटक असते. त्यामुळे यावर कीड रोगांचा प्रादुर्भाव कमी होतो. तसेच बाजारात सेंद्रिय किंवा नैसर्गिक चिया सीडला मागणी असल्यामुळे रासायनिक खते आणि कीटकनाशकांचा वापर करण्याची गरजही फारशी पडत नाही.चिया हे मूळ मेक्सिकोमधील एक तेलबिया पीक आहे. भारतीय शेतकऱ्यांसाठी हे तुलनेने नवीन असले तरी कमी खर्चामध्ये चांगले उत्पन्न देणारे पीक म्हणून शेतकरी याकडे पाहत आहे..Chia Seed: कमी पाण्यात जास्त नफा देणारे चिया पीक; योग्य लागवड तंत्र जाणून घ्या.वन्यजीवांचा आणि कीड रोगांचा त्रास कमीशेतकरी वन्यजीवांच्या त्रासाला कंटाळलेले असतात. परंतु चिया सीड पिकामध्ये विशेषत: पानांमध्ये एक प्रकारची सुवासिक रसायने, नैसर्गिक तेल आणि दुर्गंधी किंवा तुरटपणा असतो.जो वन्यजीवांना आणि जनावरांना आवडत नाही. त्यामुळे चिया पिकाला रानडुक्करे, हरणे, हत्ती किंवा इतर जंगली जनावरे चिया पिकाच्या पानांना तोंड लावत नाहीत किंवा पीक नष्ट करत नाही. वन्यजीवांचा आणि जनावारांचा त्रास होत नाही. त्यामुळे जंगलाला लागून असलेल्या किंवा वन्यजीवांना त्रास असलेल्या शेतजमिनींसाठी हे पीक वरदान मानले जाते. तसेच या पिकात नैसर्गिक कीटकनाशकाचे गुणधर्म असल्यामुळे रोगांचा आणि कीटकांचा प्रादुर्भाव फारसा होत नाही..हलकी ते मध्यम जमीन योग्यया पिकासाठी हलकी ते मध्यम जमीन तसेच उत्तम निचरा होणारी वालुकामय जमीन आदर्श मानली जाते. चिया सीडची काढणी ३ ते ४ महिन्यात करता येते. त्यामुळे कमी कालावधीत शेतकऱ्यांच्या हातात उत्पादन येते..Rabi Season: यंदाच्या रब्बी हंगामासाठी महत्त्वाच्या गोष्टी.५ ते २५ ऑक्टोबर पेरणीसाठी योग्यया पिकासाठी ५ ते २५ ऑक्टोबर हा काळ अतिशय उत्तम मानला जातो. मात्र पेरणीवेळी २५ ते ३० अंश सेल्सिअर तापमान बियांच्या चांगल्या उगवणीसाठी योग्य ठरते. चिया पीक थंडीसाठी संवेदनशील आहे. परंतु यावर्षी एलनिनोमुळे थंडीचा प्रभाव काही प्रमाणात कमी असण्याची शक्यता आहे. ॲग्रोवनच्या उपलब्ध माहितीनुसारही चिया पेरणीचा सर्वोत्तम काळ ५ ते २५ ऑक्टोबर असून, उगवणीसाठी २५ ते ३० अंश सेल्सिअस तापमान योग्य आहे..तणांचे नियंत्रणचिया हे तणांशी स्पर्धा करत वाढणारे ताकदवान पीक आहे. त्यामुळे तणांच्या प्रादुर्भावाचा या पिकावर फार परिणाम होत नाही. तरी आंतरमशागत करुन तणांचे नियंत्रण केल्यास पिकाच्या उत्तम वाढीसाठी मदत होते..जास्त तापमानाचाही परिणाम कमीयंदा एल निनोमुळे तापमान जास्त आहे. परंतु चिया पीक लागवडीसाठी १० ते ४५ अंश सेल्सिअस तापमान उपयुक्त असते. तसेच पेरणीसाठी आणि कापणीसाठी २५ ते ४० अंश सेल्सिअस तापमान उपयुक्त असते. त्यामुळे जास्त तापमानाचा परिणामही चिया पिकावर होत नाही..बदलत्या हवामानासोबत पीकही बदला!एल निनो, ला निनो, हवामान बदल अशा परिस्थिती वारंवार डोके वर काढत असताना शेतकऱ्यांनी वातावरणाला अनुसरुन पिकांना लागवडीसाठी प्राधान्य देणे फायद्याचे ठरते. तसेच अशा पिकांची लागवड करताना त्यांना बाजारात किती मागणी आहे याचाही विचार करावा..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
