Maharashtra Drought: छत्रपती संभाजीनगर जिल्ह्यातील दुष्काळी परिस्थितीची प्रत्यक्ष पाहणी करून जिल्हाधिकारी विनय गौडा जी. सी. यांनी शेतकऱ्यांशी संवाद साधला. माळीवाडा (ता. छत्रपती संभाजीनगर), सराई (ता. खुलताबाद), वारेगाव (ता. फुलंब्री) आणि चौका (ता. छत्रपती संभाजीनगर) परिसरातील पिकांची पाहणी करून त्यांनी शेतकऱ्यांकडून परिस्थितीची माहिती घेतली..या वेळी जिल्हा अधीक्षक कृषी अधिकारी दीपक गवळी, उपविभागीय अधिकारी डॉ. व्यंकट राठोड, उपविभागीय कृषी अधिकारी आनंद गंजेवार, तहसीलदार शिवानंद बिडवे, छत्रपती संभाजीनगर, खुलताबाद व फुलंब्रीचे तालुका कृषी अधिकारी तसेच अन्य अधिकारी, कर्मचारी आणि शेतकरी उपस्थित होते..Crop Damage Inspection : जिल्हाधिकारी राहुल कर्डिले थेट दुचाकीवरून शिवारात.शेतकऱ्यांशी संवाद साधताना जिल्हाधिकारी गौडा म्हणाले, की शेतकऱ्यांनी सकारात्मक राहून पंचनामे करण्याच्या कामात शासकीय यंत्रणेला सहकार्य करावे. शासन आणि प्रशासन शेतकऱ्यांना लवकरात लवकर मदत करण्यासाठी कटिबद्ध आहे. कोणताही पात्र शेतकरी लाभापासून वंचित राहणार नाही, याची खात्री आपण स्वतः करणार असल्याचे त्यांनी सांगितले..Crop Damage Inspection: कृषिमंत्र्यांकडून संगमनेरमध्ये नुकसानग्रस्त पिकांची पाहणी.पिण्याच्या पाण्याच्या साठ्यांमधील अनधिकृत पाणीउपसा बंद करून पिण्याचे पाणी संरक्षित केले जाईल. याबाबत संबंधित यंत्रणेला योग्य त्या सूचना देण्यात येतील, असेही जिल्हाधिकारी गौडा यांनी सांगितले..दुष्काळाच्या पार्श्वभूमीवर पिण्याचे पाणी, जनावरांसाठी चारा व पाणी, टँकरद्वारे पाणीपुरवठा, चारा छावण्यांची आवश्यकता तसेच रोजगाराच्या उपलब्धतेबाबतही आढावा घेण्यात आला. पिकांचे नुकसान, पाण्याची टंचाई आणि शेतकऱ्यांच्या अडचणींचे वस्तुनिष्ठ पंचनामे करून शासनाच्या निकषांनुसार मदत व सवलती उपलब्ध करून देण्याच्या सूचना जिल्हाधिकाऱ्यांनी दिल्या..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
