Chhatrapati Sambhajinagar News: छत्रपती संभाजीनगर : जिल्ह्यात सेव्ह लाइफ फाउंडेशन या संस्थेने २०२३-२४ मध्ये केलेल्या सर्व्हेक्षणाच्या अहवालानुसार २०९ अपघातप्रवण स्थळे आहेत. जिल्ह्यात शून्य अपघात अभियान राबविण्याच्या दृष्टिने उपाययोजना राबविणे अपेक्षित असून त्यासाठी अपघातप्रवण स्थळांवरील अपघात प्रवणता निर्मूलन करण्यास प्राधान्य देण्यात येत आहे. त्यासाठी संबंधित सर्व विभागांनी संयुक्त प्रयत्न करावे, असे निर्देश जिल्हाधिकारी दिलीप स्वामी यांनी दिले आहेत..जिल्हा रस्ता सुरक्षा समितीची बैठक मंगळवारी (ता. १७) जिल्हाधिकारी कार्यालयात पार पडली. प्रादेशिक परिवहन अधिकारी विजय काठोळे, जिल्हा नियोजन अधिकारी भारत वायाळ, अधीक्षक अभियंता एस.एस.भगत, कार्यकारी अभियंता एस.के. चव्हाण, एस.जी. केंद्रे, श्रीमती प्रिया पुजारी , पोलिस निरीक्षक महामार्ग विभाग गजानन जाधव आदी उपस्थित होते. .Local Election Results: छत्रपती संभाजीनगर ‘झेडपी’त भाजप मोठा भाऊ.राष्ट्रीय महामार्ग विभाग, सार्वजनिक बांधकाम विभाग, महाराष्ट्र राज्य रस्ते विकास महामंडळ,महानगरपालिका, आरोग्य विभाग, परिवहन विभाग, गृह विभाग, शिक्षण विभाग अशा सर्व विभागांनी संयुक्तपणे उपाययोजना राबवावयाच्या आहेत. जिल्ह्यात नक्की करण्यात आलेल्या अपघातप्रवण स्थळांचे भौगोलिक अंकन करण्यात आले आहे. त्या अंकनाची माहिती भौगोलिक स्थान माहिती सेवा पुरविणाऱ्या संस्थांना द्यावी.त्यानुसार वाहन चालक वाहन चालविताना या सेवांचा वापर करेल व रस्त्यात पुढे येणाऱ्या अपघातप्रवण स्थळाबाबत त्यास आगाऊ सूचना मोबाईलद्वारे दिली जाईल. हा संबंधित डाटा अशा संस्थांना देऊन त्या सेवांचा उपयोग अपघात टाळण्यासाठी करावा, असे निर्देश जिल्हाधिकारी स्वामी यांनी दिले.आवश्यक स्थापत्य उपाययोजनांबाबत सर्व्हेक्षण करुन त्याचे अंदाजपत्रक द्यावे. त्यात गतिरोधक तयार करणे, फलक लावणे, जनजागृती करणे आदी उपाययोजना सर्व संबंधित विभागांनी मिळून राबवावयाच्या आहेत, असे निर्देश जिल्हाधिकारी स्वामी यांनी दिले..Dairy Development: दुग्ध विकास योजनेत छत्रपती संभाजीनगर जिल्ह्याचा समावेश .प्रवास करतांना इंटरनेट वरून विविध भौगोलिकस्थान माहिती सेवांचा सहयोग प्रवाशांकडून घेतला जातो. अशा सेवांचा सहयोग वाहनचालकांना मोबाईलवरून अपघातप्रवण स्थळाबाबत पूर्वसूचना देण्याबाबत घ्यावा. - दिलीप स्वामी, जिल्हाधिकारी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
