Water Scarcity Maharashtra : अलिबाग ऐन पावसाळ्यात अलिबाग शहरालगतच्या चेंढरे ग्रामपंचायत हद्दीत पिण्याच्या पाण्याची टंचाई निर्माण झाल्याने ग्रामस्थांचा संताप उफाळून आला आहे. या समस्येचा तातडीने निपटारा करावा, या मागणीसाठी संतप्त ग्रामस्थांनी मंगळवारी (ता.११) चेंढरे ग्रामपंचायत कार्यालयावर हंडा मोर्चा काढला. मोर्चाची पूर्वकल्पना असतानाही प्रशासक ज्ञानेश्वर साळावकर आणि ग्रामसेवक निलेश गावंड ग्रामपंचायत कार्यालयात उपस्थित नव्हते..वाढत्या लोकसंख्येच्या तुलनेत पाणीपुरवठा यंत्रणा सक्षम करण्यात आलेली नाही, असा आरोप ग्रामस्थांनी केला. दैनंदिन वापरासह पिण्याच्या पाण्याची मोठी अडचण निर्माण होत आहे. गेल्या काही वर्षांत चेंढरे परिसरात मोठ्या प्रमाणात नागरीकरण झाले. .Groundwater Levels Drop: रायगडला भूजल पातळीत घट.मात्र, त्यानुसार पाणीपुरवठ्याचे नियोजन झाले नसल्याने उपलब्ध पाण्यावर लोकसंख्येचा ताण येत असल्याचे ग्रामस्थांनी सांगितले. या मोर्चाचे नेतृत्व दत्ता ढवळे, संदीप ढवळे आणि ॲड. परेश देशमुख यांनी केले..Drinking Water Management: टंचाईग्रस्त भागातही पाणी पोहोचविणार : जिल्हाधिकारी आयुष प्रसाद.वाढत्या नागरीकरणाचा ताणचेंढरे परिसरात गेल्या काही वर्षांत मोठ्या प्रमाणात घरे आणि वसाहती वाढल्या आहेत. लोकसंख्या वाढत असताना पाणीपुरवठा यंत्रणेची क्षमता मात्र त्याच प्रमाणात वाढविण्यात आलेली नसल्याचा ग्रामस्थांचा आरोप आहे. त्यामुळे उपलब्ध पाण्यावर अतिरिक्त ताण येत असून अनियमित पाणीपुरवठ्याची समस्या निर्माण झाली आहे. .पावसाळ्यातही नागरिकांना हंडे घेऊन पाण्यासाठी आंदोलन करावे लागत असल्याने ग्रामस्थांनी नाराजी व्यक्त केली. केवळ तात्पुरती व्यवस्था न करता वाढती लोकसंख्या लक्षात घेऊन पाणीपुरवठ्याचे दीर्घकालीन नियोजन करावे, पाणीपुरवठा यंत्रणेची पाहणी करून बिघाडाचे मूळ कारण शोधावे आणि नागरिकांना नियमित व पुरेसा पाणीपुरवठा करावा, अशी मागणी केली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
