Palghar News: रासायनांच्या वापरामुळे जव्हारमधील मधमाश्यांची पोळी संकटात आली आहेत. निसर्गसौंदर्याने बहरलेल्या जव्हारच्या जंगलव्याप्त भागात आयुर्वेदिक औषधे, जाळी-मुळी, फळे, वेली, कंदमुळे हा रानमेवा मोठ्या प्रमाणात मिळतो; मात्र या भागात हिवाळ्यांत सहज उपलब्ध होणारे बहुगुणकारी मधाचे पोळे हे दुर्मिळ होऊ लागले आहे. .जव्हारच्या ग्रामीण भागात हिवाळ्याच्या दिवसात सहज उपलब्ध होणारे व गुणकारी औषध म्हणून ओळखले जाणारे मधाचे पोळे (मोहोळ) आता शेतासह झाडाझुडपांतून दुर्मिळ होत आहे. एकेकाळी शेतशिवारात मोठ्या प्रमाणात आढळणारे मधाचे पोळे दिसेनासे झाल्याने निसर्गप्रेमी, शेतकरी तसेच मधविक्री करणाऱ्या मजुरांत चिंतेचे वातावरण निर्माण झाले आहे. निसर्गाच्या सान्निध्यात मोफत मिळणारे हे गुणकारी औषध आज नामशेष होण्याच्या मार्गावर आहे..Honeybee Scheme : मधाच्या १० गावांसाठी निधी मंजूर; योजनेच्या पहिल्या टप्प्याला सुरुवात.मोहोळ हा मधमाश्यांनी तयार केलेला एक नैसर्गिक गुलकंद असतो. ग्रामीण भागात याचा वापर औषध म्हणून केला जात असे; मात्र अलीकडील काळात रब्बी हंगामातील फुलोऱ्याची पिके कमी झाल्याने मधमाश्यांना अन्न मिळत नाहीत. परिणामी, मधमाश्यांचे थवे कमी होत असून, मोहोळ तयार होण्याचे प्रमाणही घटले आहे..Farmer Crisis: महाग कृषी निविष्ठांमुळे बागायतदारांचा खर्च वाढला.उत्पन्नाचे साधनजव्हार तालुक्यातील ग्रामीण भागातील अनेक कुटुंबांसाठी मोहोळ हे हिवाळ्यातील उत्पन्नाचे महत्त्वाचे स्रोत होते. सकाळी लवकर शेतात जाऊन मोहोळ शोधणे, ते गोळा करून बाजारात विकणे, असा काहींचा दिनक्रम असे. मधाच्या मोहोळाची किंमत त्याच्या आकारावर अवलंबून असे..पूर्वी मधमाश्यांचे थवे मोठ्या प्रमाणात नजरेस पडायचे; मात्र शेतीतून अधिक उत्पन्न मिळावे, याकरिता बेसुमार रासायनिक खतांचा वापर, विविध फवारण्या यामुळे मधाची पोळी दुर्मिळ होऊ लागली आहेत.- रवींद्र गवते, शेतकरी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
