Irrigation Crisis: शासनाने कोरडा दुष्काळ जाहीर केला; मात्र मदतीची रक्कम किती, ती कधी मिळणार आणि कोणत्या शेतकऱ्यांना मिळणार, या बाबत अद्याप स्पष्टता नाही. दुसरीकडे, २०२५ मधील अतिवृष्टी, बियाणे आणि धान बोनसच्या प्रश्नांवरही ठोस निर्णय झालेला नसल्याने शेतकरी संभ्रमात आहेत. त्यातच नदी-नाल्यांवरील मोटारपंप बंद करण्याच्या निर्देशांमुळे सिंचनावर अवलंबून असलेल्या शेतकऱ्यांसमोर नवे संकट उभे राहिले आहे, असे काँग्रेस नेते किशोर वडेट्टीवार यांनी म्हटले आहे..कापूस, सोयाबीन, धान यांसारख्या पिकांसोबतच मिरचीसारख्या नगदी पिकांचे उत्पादन घेण्यासाठी शेतकरी सिंचनावर अवलंबून असतात. एकीकडे दुष्काळ जाहीर करायचा आणि दुसरीकडे पाणी उपसा बंद करून शेतकऱ्यांच्या उत्पादनावर गदा आणायची, हा कोणता न्याय? दुष्काळी मदत मिळण्यापूर्वीच शेतकऱ्यांचे उत्पन्न हिरावून घेण्याची वेळ आणू नये, अशी मागणी वडेट्टीवार यांनी केली..Farmer Challenges: पिके जगविण्यासाठी शेतकऱ्यांची धावपळ.नदी-नाल्यांमधून अधिकृत पाणीपरवाने घेऊन शेती करणाऱ्या शेतकऱ्यांचे मोटारपंप बंद करू नयेत. कायदेशीर नियमांच्या चौकटीत त्यांना आवश्यक वीजपुरवठा उपलब्ध करून देत शेती वाचविण्यासाठी शासनाने तातडीने निर्णय घ्यावा, असे वडेट्टीवार यांनी म्हटले आहे. आधीच आर्थिक संकटात सापडलेल्या शेतकऱ्यांच्या अडचणी वाढून परिस्थिती गंभीर होऊ शकते, असेही ते म्हणाले..Low Water Farming : कमी पाण्यातील शेतीला प्रोत्साहन.शेतकऱ्यांच्या अडचणींकडे दुर्लक्ष करू नकाशेतकऱ्यांच्या आत्महत्या झाल्यास त्याला शासनाचे कुचकामी धोरण जबाबदार असेल. शेतकऱ्यांच्या डोळ्यांतील अश्रू पिकांना पाणी मिळाल्याशिवाय थांबणार नाहीत. .शेतातील कृषिपंपांना २४ तास वीजपुरवठा आणि पिकांना पाणी उपलब्ध करून देण्यासाठी विशेष सवलत द्यावी, अशी मागणी काँग्रेस नेते वडेट्टीवार यांनी केली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
