Parbhani News: रब्बी हंगाम २०२५ मध्ये शुक्रवार (ता. ५) पर्यंत परभणी व हिंगोली जिल्ह्यांत हरभऱ्याची २ लाख ५० हजार ९३ हेक्टरवर पेरणी झाली आहे. परभणी जिल्ह्यातील परभणी, सेलू, मानवत, पूर्णा या ४ तर हिंगोली जिल्ह्यांतील वसमत व औंढा नागनाथ या २ मिळून या दोन जिल्ह्यांतील सहा तालुक्यांत हरभऱ्याचा सरासरीपेक्षा अधिक पेरा झाला आहे..या दोन जिल्ह्यांत रब्बी पिकांची ३ लाख ९५ हजार ६६० हेक्टरवर पेरणी झाली आहे. वातावरणातील गारवा वाढीसाठी पोषक असल्यामुळे हरभरा व गहू पिके चांगली बहरली..परभणी जिल्ह्यात शुक्रवार (ता. ५) पर्यंत २ लाख ७० हजार ९७७ पैकी २ लाख ४६ हजार ४४४ हेक्टरवर (९०.९५ टक्के ) पेरणी झाली आहे. त्यात हरभऱ्याचे सरासरी क्षेत्र १ लाख ३४ हजार ८४१ असतांना १ लाख ४१ हजार ९८२ हेक्टर (१०५.३९ टक्के) पेरणी झाली..ज्वारीची ९७ हजार ४६४ पैकी ७७ हजार ८१५ हेक्टर (७९.५४ टक्के), गव्हाची ३४ हजार ९३४ पैकी २५ हजार ६७८ हेक्टर (७३.५टक्के), मक्याची १ हजार ५०२ पैकी ३१९ हेक्टर (२१.२४ टक्के) पेरणी झाली. करडईची १ हजार ६०२ पैकी ५४६ हेक्टर (३४.०९ टक्के), जवसाची ५५.५४ पैकी १४ हेक्टर (२५.२१ टक्के), तिळाची ३२.२४ पैकी १० हेक्टर (३१.०२ टक्के) पेरणी झाली आहे. .Chickpea Late Swoing: हरभरा पिकाचे उशिरा पेरणीचे वाण कोणते?.हिंगोली जिल्ह्यात १ लाख ६९ हजार २२० पैकी १ लाख ४९ हजार २१५ हेक्टरवर (८८.१८ टक्के) पेरणी झाली आहे. त्यात हरभऱ्याची १ लाख २१ हजार ६२ पैकी १ लाख ८ हजार १११ हेक्टर (८९.३० टक्के) पेरणी झाली..Chickpea Late Sowing: हरभऱ्याची उशिरा पेरणी? नाही काळजी, हे ४ वाण देतील भरघोस उत्पादन!.ज्वारीचे सरासरी क्षेत्र ९ हजार ५६७ असतांना १२ हजार १८९ हेक्टर (१२७.४० टक्के), गव्हाची ३३ हजार ४६९ पैकी २७ हजार ७७ हेक्टर (८०.९० टक्के), मक्याची ८६७ पैकी ३७८ हेक्टर (४३.५५ टक्के) पेरणी झाली. .करडईची २ हजार ५२ पैकी १ हजार १२८ हेक्टर (५४.९५ टक्के), तिळाची ५६.६१ पैकी ३२ हेक्टरवर (५६.३३ टक्के) पेरणी झाली, असल्याचे कृषी विभागाच्या सूत्रांनी सांगितले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
