Pune News: कॉटन कॉर्पोरेशन ऑफ इंडिया, अर्थात ‘सीसीआय’ने यंदाच्या हंगामात खरेदी केलेल्या कापसाची विक्री सुरू केली आहे. त्यामुळे आता यापुढे सीसीआयच्या कापूस विक्री दरानुसार बाजारात बदल होताना दिसतील. तर दुसऱ्या बाजूला सरकारी कापूस खरेदीमुळे हमीभावाचाही आधार बाजाराला असणार आहे. त्यामुळे काही दिवस बाजार स्थिरावण्याची शक्यता अभ्यासकांनी वर्तविली..जानेवारी महिन्यात कापसाच्या भावात चांगली सुधारणा दिसून आली. कापूस भाव हमीभावाच्या टप्प्यावर पोहोचला. यापुढे भाव आणखी सुधारतील अशी अपेक्षा होती. पण सीसीआयने अचानक १५ जानेवारीला चालू हंगामात खरेदी केलेल्या कापसाची सोमवारपासून (ता. १९) विक्री करण्याचा निर्णय घेतला. त्यामुळे कापूस दरवाढीला ब्रेक लागला. कमाल भावात नरमाई आली, तरी सरासरी दरपातळी मात्र टिकून आहे. सीसीआय कापूस विक्रीचा भाव काय काढते, याकडे बाजाराचे लक्ष होते..CCI Cotton Sale: ‘सीसीआय’कडून आतापर्यंत ६५ टक्के कापसाची विक्री.सीसीआयने नव्या खंडीचा भाव जुन्या कापसाप्रमाणे म्हणजेच कमी काढला असता तर बाजारभाव कमी झाले असते. पण सीसीआयने सोमवारी कापूस विक्रीचा भाव गुणवत्तेप्रमाणे ५५ हजार ते ५७ हजार रुपये प्रति खंडी काढला. गेल्या हंगामातील कापसाच्या तुलनेत हा भाव तीन हजारांनी जास्त आहे. मंगळवारीही सीसीआयने कापूस विक्रीचा भाव कायम ठेवला. त्यामुळे बाजारभाव टिकून राहण्यास मदत झाली आहे..CCI cotton sale impact: सीसीआयच्या कापूस विक्रीच्या निर्णयाने बाजारावर काय परिणाम होणार?.८२ लाख गाठींची खरेदीसीसीआयने गेल्या हंगामात १०० लाख गाठी कापसाची खरेदी केली होती. या कापसाची ९९ टक्के विक्री झाली आहे. यंदाच्या हंगामात सीसीआयने आतापर्यंत ८२ लाख गाठींची खरेदी केली आहे. त्यापैकी महाराष्ट्रात १९ लाख गाठी आणि तेलंगणात २८ लाख गाठींची खरेदी केली आहे. सीसीआय आता हा कापूस विकत आहे. खुल्या बाजारात भाव हमीभावाच्या आसपास असल्याने सीसीआयची खरेदी आता कमी झालेली आहे..बाजारातील स्थितीदेशातील बाजारात कापसाचा भाव प्रति क्विंटल ७ हजार ९०० ते ८ हजार २०० रुपयांच्या दरम्यान आहेत. कापूस खंडीचे भाव ५५ ते ५६ हजार रुपये आहेत. तर आयात कापूस खंडीचे भावही ५५ ते ५६ हजारांच्या दरम्यान आहेत. यापुढे सीसीआय कापूस विक्रीचे भाव कसे ठेवते यानुसार बाजारभावात बदल होणार आहेत. पुढील काही दिवस कापूस बाजार स्थिरावण्याची शक्यता असल्याचे अभ्यासकांनी सांगितले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
