Dairy Farming Loss: गेल्या दोन महिन्यांपासून दुधाच्या दरात टप्प्याटप्प्याने वाढ होऊनही त्याचा फायदा शेतकऱ्यांना मिळत नाही. पशुखाद्याच्या दरात सातत्याने होणाऱ्या प्रचंड वाढीमुळे वाढीव उत्पन्न थेट कंपन्यांच्या खिशात जात आहे. यामुळे दूध उत्पादक शेतकरी आर्थिक संकटात सापडला असून, शासनाने यात हस्तक्षेप करण्याची मागणी जोर धरू लागली आहे..दुधाच्या दरात गेल्या दोन महिन्यांत दोन ते तीन रुपयांची वाढ झाली, पण त्याच वेळी पशुखाद्य कंपन्यांनी प्रत्येक १५-२० दिवसांनी पोत्यामागे ८० ते १२० रुपयांची दरवाढ केली आहे. जानेवारीपासून आतापर्यंत पशुखाद्याचे दर प्रति पोते सुमारे ४०० रुपयांनी वाढले असून, यातील २८० रुपयांची वाढ केवळ गेल्या दोन महिन्यांतील आहे. दुष्काळजन्य परिस्थितीमुळे आधीच चारा विकत घेण्याची वेळ आलेल्या शेतकऱ्यांसमोर पशुधनाला जगवण्याचे आव्हान आहे..Animal Feed Fruad: पशुखाद्य विक्रीत २६ लाखांचा अपहार; कंत्राटी विक्री प्रतिनिधीविरुद्ध पोलिसात गुन्हा दाखल.त्यातच पशुखाद्याच्या वाढत्या दरांमुळे दुग्ध व्यवसाय तोट्यात जात असल्याचे चित्र आहे. दूध विक्रीतून मिळणारे वाढीव पैसे थेट पशुखाद्य खरेदीवर खर्च होत असल्याने शेतकऱ्यांच्या हातात काहीच शिल्लक राहत नाही. वाढत्या खर्चामुळे दुग्ध व्यवसाय आर्थिकदृष्ट्या परवडेनासा झाला आहे. दूध उत्पादनाचा खर्च आणि मिळणारा दर यांचा ताळमेळ बसत नसल्याने शेतकरी दुहेरी आर्थिक संकटात सापडला आहे..Cattle Feed : दूध उत्पादकांचे कंबरडे मोडले: महिनाभरात पशुखाद्याचे दर तब्बल २५० रुपयांनी वधारले!.शासनाने हस्तक्षेप करावापशुखाद्य दरवाढीवर शासनाने नियंत्रण ठेवण्याची गरज आहे. कंपन्यांच्या कच्च्या मालाच्या किमतींची पारदर्शक तपासणी करून दरवाढीचे नियमन करावे, तसेच शासन, दुग्धविकास विभाग आणि लोकप्रतिनिधींनी तातडीने लक्ष घालून दिलासा द्यावा, अशी अपेक्षा पंढरीनाथ इंगळे, आकाश चौरे, संभाजी कामथे, निखिल गायकवाड, प्रकाश म्हेत्रे, सोपान इंगळे या शेतकऱ्यांनी व्यक्त केली..कंपन्यांकडे विचारणा केली असता कच्च्या मालाच्या किमती वाढल्याचे कारण दिले जाते. मात्र, कच्च्या मालात नेमकी किती वाढ झाली आणि त्या तुलनेत पशुखाद्याची दरवाढ योग्य आहे का, असा प्रश्न शेतकरी विचारत आहेत. कंपन्यांकडून मनमानी पद्धतीने दरवाढ केली जात आहे का?तुषार इंगळे, पशुखाद्य विक्रेते, वाळुंज (ता. पुरंदर).ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.