Vegetable Demand: ढोबळी मिरचीचे उत्पादन नेहमीच्या शेतीसोबतच शेडनेट, पॉलिहाउसमध्येही होत आहे. घरगुती ग्राहकांसोबतच वाढत्या हॉटेल उद्योगांमुळेही ढोबळी मिरचीची मागणी वाढली आहे. वर्षभर उपलब्ध असलेल्या ढोबळी मिरचीची पुणे बाजार समितीमधील आवक, दर, उलाढाल याचा आढावा....कृषी क्षेत्रातील वाढते तंत्रज्ञान आणि नवनवीन वाणांच्या उपलब्धतेमुळे राज्याच्या विविध भागात ढोबळी (सिमला) मिरचीच्या उत्पादनाचा ट्रेंड वाढला आहे. शेतांमध्ये ढोबळी मिरचीचा हंगाम सध्या बहरू लागला असून, त्याचे प्रतिबिंब पुणे कृषी उत्पन्न बाजार समितीमध्ये दिसू लागले आहे. यंदा मॉन्सूनच्या उशिरा आगमनाचा ताण सर्वांवर असताना जुलैमध्ये अनेक ठिकाणी सतत व मुसळधार पावसाने झड उठवली. त्यामुळे सामान्य शेतांमध्ये घेतल्या जाणाऱ्या ढोबळी मिरचीचे काही प्रमाणात नुकसानही झाले. पण पॉलिहाउस आणि.Capsicum Farming: ढोबळी मिरची लागवडीत वाण निवडीला प्राधान्य.शेडनेटमध्ये घेतल्या जाणाऱ्या ढोबळी मिरचीवर तितका परिणाम झालेला दिसत नाही. सध्या कपी राज्याच्या विविध भागांमधून बाजारात ढोबळी मिरचीची आवक होत आहे. याबाबत पुणे बाजार समितीमधील ढोबळी मिरचीचे प्रमुख अडतदार नीलेश एकतपुरे यांच्या बातचीत केली..त्यांनी दिलेल्या माहितीनुसार, बाजारात सध्या इंडस आणि इंद्रा या दोन वाणांच्या ढोबळी मिरचीची आवक होत आहे. या दोन्ही वाणांची वैशिष्ट्ये व गुणधर्म वेगळे असून, त्यातील ‘इंद्रा’ वाणाची साल जास्त जाड असून, टिकवण कालावधी जास्त दिवस आहे. हिचा दर्जा दूरवरच्या वाहतुकीमध्येही टिकून राहतो. त्यामुळे या वाणाला परराज्यांतून मोठी मागणी आहे. परराज्यामध्ये प्रामुख्याने अहमदाबाद (गुजरात), दिल्ली, ग्वाल्हेर (मध्य प्रदेश), हैदराबाद (तेलंगणा) इ. ठिकाणी ही मिरची जाते. या वाणाच्या उत्तम दर्जाच्या प्रथम श्रेणीच्या मालाला प्रति किलोला ५५ ते ६५ रुपये दर मिळतो. तर दुसऱ्या श्रेणीचा माल पुणे बाजार समितीमध्ये येतो. याला ४५ ते ५० रुपये दर मिळत असल्याचे असे नीलेश एकतपुरे यांनी सांगितले..ढोबळी मिरचीचे महत्त्वाचे दोन वाणइंडस ः या ढोबळी मिरचीची साल पातळ असून, रंग हिरवा - पोपटी आहे. आकाराने लहान असल्याने २५० ग्रॅम वजनामध्ये ६ ते ७ नग बसतात. यामुळे घरगुती ग्राहकांकडून या वाणाला पसंती व अधिक मागणी असते. याला वर्षभर ३५ ते ५५ रुपये प्रति किलो एवढा दर मिळतो.इंद्रा ः या ढोबळी मिरचीची साल जाड असून, यामध्ये पाण्याचे प्रमाण कमी आहे. आकार मोठा आणि रंग गडद हिरवा, दिसायला चमकदार आणि आकर्षक आहे. त्यामुळे या वाणाला हाॅटेल व्यावसायिकांकडून जास्त मागणी असते. २५० ग्रॅम वजनामध्ये २ ते ३ नग बसतात. याला वर्षभर ५५ ते ६५ रुपये दर मिळतो..Seasonal Jamun Fruit: जांभूळ रानमेव्याचा हंगाम जूनमध्येही बहरलेलाच.नियमनमुक्ती, बाजाराच्या विकेंद्रीकरणाचे परिणाम२०१५ मध्ये झालेल्या फळे भाजीपाला नियमन मुक्तीमुळे थेट शेतकऱ्यांच्या बांधावरील खरेदी वाढत चालली आहे. परस्पर परराज्यांतही विक्री होऊ लागली आहे. त्याच प्रमाणे विविध ठिकाणी लहान मोठ्या बाजारपेठा तयार झाल्या आहेत. त्यामुळे मुख्य बाजाराचे विकेंद्रीकरण झाले. हा ट्रेंड दिवसेंदिवस वाढू लागला. शेतकऱ्यांच्या बांधावरच रोख रकमेत शेतीमालाची खरेदी होऊन तातडीने बांधावरच पैसे मिळू लागले आहेत. .यात शेतकऱ्यांना बाजार समितीमधील हमाली, तोलाई आणि आडत (खरेदीदारांकडून असली तरीही) याचा खर्च शेतकऱ्यांना करावा लागत नाही. यामुळे बाजारातील आवक ५० टक्क्यांपर्यंत घटल्याचे एक निरीक्षण नीलेश एकतपुरे यांनी नोंदवले. २०१५ पर्यंत दैनंदिन ५० टनांपर्यंत होणारी ढोबळी मिरचीची आवक आता केवळ १५ ते २० टनांपर्यंत राहिल्याचेही एकतपुरे सांगतात.....असा असतो दरबाजार समितीमध्ये ‘इंद्रा’ वाणाला ४०-४५ रुपये प्रति किलो. तर ‘इंडस’ या वाणाला एक क्रमांकाच्या उत्पादनाला ५० ते ५५ तर दुय्यम उत्पादनाला ३५ ते ४० रुपये सरासरी दर वर्षभर असतो.....असा असतो हंगाम आणि आवकढोबळी मिरचीचा वर्षभरात दोन हंगाम असतात. यामध्ये जून ते नोव्हेंबर आणि डिसेंबर ते मे असे दोन हंगाम असतात. जून ते नोव्हेंबरमध्ये इंदापूर, दौंड, बारामती, सोलापूर, अकलूज, या भागातून तर डिसेंबर ते मे दरम्यान कोल्हापूर, आष्टा, इचलकरंजी या भागातून आवक होत असते. ही आवक दैनंदिन १५ ते २० टन एवढी असते..‘पालघर’चे विशेष आकर्षणपालघर जिल्ह्यामध्ये शेडनेटमध्ये ढोबळी मिरचीचे उत्पादन मोठ्या प्रमाणावर घेतले जाते. संपूर्ण मुंबई आणि उपनगरांना पालघरमधील ढोबळी मिरचीचा पुरवठा होतो. यामध्ये इंद्रा वाणाचे मोठे उत्पादन आहे. पालघर येथून ऑगस्ट ते डिसेंबर दरम्यान दररोज किमान ६ ते ७ टन आवक होत असते. या वेळी वार्षिक सरासरी ३५ ते ५५ रुपये प्रति किलो दर असतो. तर मे ते जुलै दरम्यान इंडस वाणाची तुरळक आवक असते. या वेळी प्रति किलोला ५० ते ६० रुपये वार्षिक सरासरी दर मिळत असल्याचे एकतपुरे यांनी सांगितले.....या पॅकिंगमध्ये होती आवकबाजार समितीमध्ये १० किलोच्या प्लॅस्टिक कॅरीबॅग आणि कोरुगेटेड बॉक्समध्ये ढोबळी मिरचीची आवक होते. बाॅक्स पॅकिंगमध्ये २०-३० किलो ढोबळी मिरची बसते. प्रामुख्याने परराज्यांत विक्रीसाठी हे बॉक्स पॅकिंग पाठविले जातात..रंगीत मिरचीचा बाजारपारंपारिक सिमला मिरचीसह बाजारात रंगीत सिमला मिरचीची देखील आवक होत आहे. रंगीत मिरची ही परदेशी (एक्झॉटिक) भाजीपाल्यामध्ये मोडते आणि तिची लागवड प्रामुख्याने हरितगृह किंवा शेडनेटमध्ये केली जाते. त्यामुळे हिरव्या मिरचीच्या तुलनेमध्ये तिची आवक कमी असते. दैनंदिन १ ते २ टन आवक होते. तर त्याला ६० ते २५० रुपये प्रति किलो एवढे दर मिळतात. त्याची वार्षिक सरासरी साधारणतः १०० रुपयांपर्यंत जात असल्याची माहिती एकतपुरे यांनी दिली.- नीलेश एकतपुरे ८३०८३४९०८९प्रमुख अडतदार ढोबळी मिरची.‘‘मी गेल्या पाच वर्षांपासून नियमितपणे एक एकरवर ढोबळी मिरचीच्या ‘इंडस- ११’ या वाणाचे उत्पादन घेत आहे. नुकताच माझा हंगाम संपला आता दुसरी लागवड सुरू आहे. आताच्या हंगामात ३५ टन उत्पादन मिळाले. तर दर ३० ते ७० एवढा होता. तर सरासरी दर ४० रुपये मिळाला. लागवड ते काढणीपर्यंत विचार केला तर सुमारे सहा लाख रु. उत्पादन खर्च झाला असून, तो वजा जाता ६ लाख रुपयांचे निव्वळ उत्पन्न मिळाले आहे.- गणेश जगताप ९७६७१५७२६५ (सांगवी, ता. बारामती, जि. पुणे).ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
