Ahilyanagar News: कोपरगाव तालुक्यात धुमाकूळ घालत चार दिवसांत दोन बळी घेणाऱ्या नरभक्षक बिबट्याला पकडण्यासाठी तालुक्यातील अनेक भागांत मोहीम राबविली जात आहे. बिबट्या जिवंत पकडता आला नाही तर त्याला ठार करण्याच्या शक्यताही दिसत आहे. .बिबट्याचा दोन नेमबाज आणि वन विभागाचे सुमारे शंभर कर्मचारी या शोध मोहिमेमध्ये सहभागी झाले आहेत. या भागात सुमारे पंधरा पिंजरे लावले आहे. कोपरगाव तालुक्यातील टाकळी शिवारात ऊसतोड कामगाराच्या मुलीचा आणि येसगाव येथील वृद्ध महिलेचा बिबट्याने बळी घेतला आहे. याशिवाय गेल्या काही दिवसांपासून अनेकांवर या बिबट्याने हल्ले केले आहेत. शिंगणापूर येथे एका मुलावर हल्ला केला होता..Leopard Rescue : साडे सात तासांची शोधमोहीम; वडनेर दुमालात बिबट्या जेरबंद .पशुधन, पाळीव प्राणीही मारले आहेत. दोन बळी घेऊन नरभक्षक झालेल्या बिबट्याच्या धुमाकुळाला तालुक्यातील शेतकरी, नागरिकांना त्रासल्याने संताप व्यक्त करत आंदोलन केले. या नरभक्षक बिबट्याला पकडण्यासाठी कोपरगाव तालुक्यात शोधमोहीम तीव्र करावी, अशी मागणीही आहे. येसगाव, टाकळी, ब्राह्मणगाव, आदी भागांत सुमारे पंधरा पिंजरे लावले आहेत. .वनविभागाचे शंभर कर्मचारी या बिबट्याचा शोध घेत आहेत, असे प्रभारी परिवन क्षेत्र अधिकारी नीलेश रोडे यांनी सांगितले. नाशिक, पुणे येथील पथके बोलावली आहे. नरभक्षक बिबट्याचे ठसे घेऊन, त्याला ट्रॅप करून आम्ही लवकरच पकडू. नागपूर येथील प्रिन्सिपल चीफ कंजर्वेटर ऑफ फोरेस्ट यांची बिबट्याला पकडण्याची व गरज पडली तर ठार करण्याची परवानगी मिळाली आहे..दोन बंदुकधारी (शॉर्पशूटर), तीन ड्रोन कॅमेरेही काम करत आहेत. दरम्यान, हा बिबट्या पकडला तरी अन्य बिबट्याबाबत काय करणार? लोकांची सुरक्षितता बिबट्यांपासून कशी करणार? याचे उत्तर वन विभागाकडे नाही, असे वनश्री पुरस्कार विजेते पर्यावरणप्रेमी सुशांत घोडके यांनी सांगितले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
