Nashik News : शेतकऱ्यांनी पाणीसाठ्यासाठी शेतांमध्ये शेततळ्यांची निर्मिती केली आहे. शेततळ्याची खोली, प्लॉस्टिक आच्छादन अशा कारणामुळे माशांची कमी वाढ होते. मात्र पिंजरा पद्धतीने मत्स्यसंगोपन केल्यास शाश्वत मत्स्यशेती करणे शक्य झाले आहे. .शेतातील जमीन व जलस्रोतांचा संपूर्ण वापर करून चांगले आर्थिक उत्पन्न मिळू शकते, अशी माहिती डॉ. बाळासाहेब सावंत कोकण कृषी विद्यापीठाच्या खार जमीन संशोधन केंद्र पनवेल येथील मत्स्य शास्त्रज्ञ डॉ. विवेक वर्तक यांनी दिली..Fish Farming : कृषी विभागातर्फे शेती, मत्स्यपालनाचे धडे.कृषीभारती अटल अभिनव सेवा सहकारी संस्थांचे फेडरेशन, कार्डियन करेक्ट इंटरनॅशनल फाउंडेशन यांच्या संयुक्त विद्यमाने कसबे वणी (ता. दिंडोरी) येथे शनिवार (ता. १३) रोजी ‘शेततळयातील मत्स्य पालन:पुरक व्यवसायाची संधी’ या विषयावर ‘मत्स्यशेती कार्यशाळा’ आयोजित करण्यात आली होती. यावेळी मत्स्यव्यवसाय विकास अधिकारी ऋषिकेश ठाकरे,मत्स्य शास्त्रज्ञ डॉ.शशिकांत मेश्राम यांची प्रमुख उपस्थिती होती..शेततळ्याची खोली व काही ठिकाणी प्लॉस्टिक आच्छादनामुळे शेतकऱ्यांना मासे पकडणे खूप कठीण जाते. त्यामुळे शेततळ्यातील मत्स्य व्यावसायिकांना आर्थिक फायदा मिळत नाही. शेतकऱ्यांना शाश्वत पर्याय देण्यासाठी मत्स्यपिंजरा एकात्मिक मत्स्यसंवर्धन संकल्पना अस्तित्वात आली आहे. पुरवठा व बाजार हा शेतकऱ्यांच्या हातात राहतो.या पद्धतीचा अभ्यास करून शास्त्रीय पद्धतींचा अवलंब करावा असे त्यांनी उपस्थितांना आवाहन केले..Fish Farming : विदर्भात मत्स्य व्यवसायातून निळ्या क्रांतीला चालना.डॉ.वर्तक यांनी कसबे वणी (ता. दिंडोरी) येथील प्रोफार्मा फार्मर्स प्रोड्युसर कंपनीच्या प्रक्षेत्रावरील शेततळ्यावरच थेट ही कार्यशाळा संपन्न झाली. उत्तर महाराष्ट्रात शेतकऱ्यांनी शेततळी मोठ्या प्रमाणात तयार केली आहेत. येथे देखील संधी खुणावत असल्याचे त्यांनी नमूद केले. पिंजरा पद्धतीने मत्स्य व्यवसाय करण्याच्या शास्त्रीय बाबींवर मार्गदर्शन केले..पिंजरा पद्धतीमुळे पाणकोंबडी व इतर पक्ष्यांपासून नुकसान कमी होते.माशांना तलावात वाढलेल्या माशांप्रमाणे मातीचा वास देखील येत नाही. शेतकरी चांगल्या दराने जिवंत मासे देखील विक्री करू शकतात. पिंजरा शेतीमुळे इतर माशांचे उत्पादन तलावात असणाऱ्या माशांबरोबर घेतले जात असून शेतकऱ्यांना दुहेरी उत्पन्नाचा मार्ग मोकळा झाला आहे. कार्यशाळेत प्रास्ताविक रवींद्र अमृतकर यांनी केले. मत्स्यव्यवसाय वाढण्यासाठी संस्था प्रयत्न करत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
