Nashik News : शेतीत यांत्रिकीकरण वाढल्याने शेतकऱ्यांच्या दारासमोर बैलजोड्यांची संख्या कमी झाली. मात्र असे असतानाही हौशी पशुपालक व शेतकऱ्यांकडे बैलजोड्या आजही पाहायला मिळतात. हे प्रमाण अत्यंत कमी झाले आहे..यंदा बैलपोळ्यासाठी सजावट व इतर आवश्यक साहित्याचे दर २० ते ३५ टक्क्यांपर्यंत वाढल्याने यंदा बैलपोळा सणाच्या बाजारात महागाईचा फटका बसला. हौशी शेतकरी बैलपोळ्याला बैलांची सजावट करून हा सण आनंदाने साजरा करतात..Bail Pola Festival : जपा बैलांचे आरोग्य....मात्र यंदा बैलपोळ्याच्या सणाच्या बाजारात ग्राहकांची संख्या कमी होऊन उलाढाल कमी झाल्याचे विक्रेत्यांनी सांगितले. दरवर्षी पोळ्याला बैलांना सजविण्यासाठी गळ्यातील घुंगरमाळ, कपाळाचे बाशिंग, बेगडं, शिंगाचे गोंडे, बैलांना रंग, रंगीत पट्ट्या, नवीन कासरे अशा साहित्याने बाजारपेठ फुलत असते. .Bail Pola: बैल पोळ्याची पंचसूत्री.यंदाही बाजारपेठ फुलली होती. विक्रेत्यांनी हौशी बैल मालकांसाठी दुकाने थाटून विविध साहित्य विक्रीसाठी आणून सज्ज होते.मात्र यंदा महागाईचा फटका या बाजाराला बसला..यंदा साहित्याची किंमत दरवर्षीच्या तुलनेत वाढले. हौशी ग्राहकांसाठी विविध प्रकारचे साज व लागणारे साहित्य आणून दुकाने थाटली होती. शेतकरी ग्राहक खरेदी करत होते. मात्र दरवर्षीच्या तुलनेत विक्री झाली नाही. त्यामुळे उलाढाल कमी झाली शिवाय यंदा बाजार उत्साहपूर्वक नव्हता.- रोहित गायकवाड, साहित्य विक्रेते, नाशिक..पूर्वी सहा बैल जोड्या होत्या. आता मात्र एकच बैलजोडी राहिली. हौशीने बैल सांभाळतो, बैलपोळा उत्साहात साजरा करतो. मात्र साजाच्या साहित्याचे दर यंदा वाढले आहेत. शेतमालाला भाव नाही, त्यात महागाई वाढली. त्यामुळे इच्छा असूनही जास्त खरेदी करता आली नाही.- संपत चव्हाण, शेतकरी, विल्होळी, ता. नाशिक..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
