Buldana News : यंदाच्या खरीप हंगामात जिल्ह्यातील १४२० गावांची नजर अंदाज पैसेवारी जिल्हा प्रशासनाने जाहीर केली आहे. त्यानुसार सरासरी नजर अंदाज पैसेवारी ५२ पैसे इतकी जाहीर करण्यात आली आहे. बुलडाणा जिल्ह्यात एकूण १४२० गावे असून ५० पैशांपेक्षा कमी पैसेवारी असलेल्या गावांची संख्या ५८८ आहे. तर ५० पैशांपेक्षा जास्त पैसेवारी असलेल्या गावांची संख्या ही ८३२ आहे..जिल्हा प्रशासनाने ५० पैशांपेक्षा जास्त व कमी पैसेवारी असलेल्या तालुकानिहाय गावांची संख्या जाहीर केली आहे. त्यानुसार ५० पैशांपेक्षा जास्त पैसेवारी असलेल्या बुलडाणा तालुक्यातील ९८ गावांची सरासरी पैसेवारी ५४ पैसे, देऊळगाव राजा तालुक्यात ६४ गावांची सरासरी पैसेवारी ५२ पैसे आहे. .Crop Damage Compensation: तत्काळ पंचनामे करून सरसकट नुकसान भरपाई द्यावी .सिंदखेडराजा तालुक्यात ११४ गावांची सरासरी ५५ पैसे, मोताळा तालुक्यात १२० गावांची सरासरी पैसेवारी ५६ पैसे, नांदुरा तालुक्यात ११२ गावांची सरासरी पैसेवारी ५७ पैसे, खामगांव तालुक्यात १४६ गावांची सरासरी पैसेवारी ५९ पैसे, शेगाव तालुक्यात ७३ गावांची सरासरी पैसेवारी ५३ पैसे, संग्रामपूर तालुक्यात १०५ गावांची ५७ पैसे इतकी सरासरी पैसेवारी जाहीर करण्यात आली आहे. .Kharif Onion Crops Damage : अतिवृष्टीचा खरीप, लेट खरीप कांद्याला फटका, ८० टक्के पिकाचे नुकसान.तसेच ५० पैशांपेक्षा कमी पैसेवारी असलेल्या गावात चिखली तालुक्यातील १४४ गावांची सरासरी पैसेवारी ४९ पैसे, मेहकर तालुक्यात १६१ गावांची सरासरी पैसेवारी ४६ पैसे, लोणार तालुक्यात ९१ गावांची सरासरी पैसेवारी ४५ पैसे, मलकापूर तालुक्यात ७३ गावांची सरासरी पैसेवारी ४६ पैसे, जळगाव जामोद तालुक्यात ११९ गावांची ४९ पैसे इतकी सरासरी पैसेवारी जिल्हा प्रशासनाकडून जाहीर करण्यात आली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
