Rainfall Damage: मेहकर तालुक्यात जून महिन्याच्या अखेरीस झालेल्या सलग दोन दिवसांच्या अतिवृष्टीमुळे भोसा शिवारातील शेतीचे मोठ्या प्रमाणावर नुकसान झाले आहे. २७ आणि २८ जून रोजी झालेल्या मुसळधार पावसाने नदी-नाले दुथडी भरून वाहिले, तर शेतांमधूनही मोठ्या वेगाने पाणी वाहिल्याने सुपीक जमीन खरडून गेली. .अनेक ठिकाणी शेतांमध्ये खोल नाले तयार झाले असून शेतीचे स्वरूपच बदलून गेले आहे. मात्र, घटनेला आठवडा उलटूनही संबंधित शासकीय यंत्रणांनी अद्याप पाहणी अथवा पंचनामे केले नसल्याचा आरोप शेतकऱ्यांनी केला आहे..Heavy Rain Damage: पाचोडसह परिसरात वादळी वाऱ्यासह गारपिटीचा तडाखा.शेतकऱ्यांनी दिलेल्या माहितीनुसार, २७ जून रोजी दुपारच्या सुमारास भोसा परिसरात ढगफुटीसदृश पाऊस झाला. त्यानंतर २८ जूनच्या रात्री पुन्हा अतिवृष्टी झाल्याने परिस्थिती अधिकच गंभीर बनली. या पावसामुळे शेतांमध्ये मोठ्या प्रमाणावर पाणी साचले आणि वेगाने वाहणाऱ्या पाण्याने शेतीतील माती वाहून गेली. परिणामी अनेक शेतांतील जमीन असमतल झाली असून शेतीयोग्य क्षेत्राचे मोठे नुकसान झाले आहे..Storm Damage: वादळाचा पॉलिहाउस, सौरकृषी पंप पॅनेलला तडाखा.या अतिवृष्टीचा फटका केवळ पिकांनाच नव्हे, तर शेतीसाठी उभारण्यात आलेल्या विविध सुविधांनाही बसला आहे. भोसा गावातील पाझर तलाव फुटला. तसेच लघू सिंचन प्रकल्प ओव्हरफ्लो झाला. काही सौर कृषिपंपांसाठी बसविण्यात आलेल्या सौर पॅनेलचे नुकसान झाले. त्यामुळे शेतकऱ्यांचे आर्थिक नुकसान अधिक वाढले आहे. अतिवृष्टीनंतर अनेक शेतांमध्ये पेरणीची कामे रखडली असून नव्याने मशागत करण्याची वेळ शेतकऱ्यांवर आली आहे. .आधीच वाढता उत्पादन खर्च, हवामानातील अनिश्चितता आणि आर्थिक अडचणींचा सामना करणाऱ्या शेतकऱ्यांसमोर आता दुहेरी संकट उभे ठाकले आहे. भोसा येथील शेतकरी प्रभाकर खुरद यांनी सांगितले की, अतिवृष्टीमुळे मोठे नुकसान झाले असतानाही अद्याप कोणत्याही सरकारी अधिकाऱ्यांनी प्रत्यक्ष पाहणी केलेली नाही..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
