Cotton Seed Price Hike: केंद्र सरकारच्या कृषी व शेतकरी कल्याण मंत्रालयाने मागील काही वर्षातील हंगामासाठी बीटी (बॅसीलस थुरिलेंझीस) मधील बोलगार्ड २ प्रकारच्या कापूस बियाणे दरात वाढ केली आहे. यात शेतकऱ्यांचा उत्पादन खर्च वाढला आहे. दुसरीकडे बीटी कापूस बियाणे तंत्रज्ञानातील सुधारित वाण किंवा आवृत्तीची प्रतीक्षा शेतकऱ्यांना कायम आहे. याबाबत शेतकरी वर्गात नाराजी आहे. .देशात बीटीमधील बोलगार्ड २ प्रकारच्या कापूस बियाण्याची सर्वाधिक लागवड केली जाते. तर तुलनेत बोलगार्ड १ प्रकारच्या बियाण्याची लागवड अल्प असते. कापूस पीक तोट्याचे ठरत आहे. त्यातील तोटा वाढत असल्याने लागवड सतत कमी होत आहे. यंदा कापसाला कवडीमोल दर मिळाले. हमीभाव फारशा शेतकऱ्यांना कापसासंबंधी मिळाला नाही. मजुरी, खते यातील दरवाढ, बियाण्याच्या काळाबाजार या समस्यांना तोंड देवून शेतकऱ्यांनी कापूस लागवड केली होती..Bt Cotton Seed Price : बीटी कापूस बियाणे दर लवकरच जाहीर होणार; दरवाढीला लगाम घालणार? .परंतु पिकाने शेतकऱ्यांचा हिरमोड केला. यातच किडी, गुलाबी बोंड अळीला प्रतिकारक्षम कापूस वाण यावा, अशी अपेक्षा, प्रतीक्षा शेतकऱ्यांना होती. परंतु नवा, दर्जेदार कापूस वाण यंदाही शेतकऱ्यांना मिळणार नाही, अशी स्थिती असून, बीटी कापूस बियाण्याची दरवाढ मात्र मागील कालावधीत सतत झाली आहे. यामुळे कापूस उत्पादक पट्ट्यात नाराजी आहे..शासन किंवा सरकार बियाणेदरवाढ करते, बियाणे दर निश्चित करते, पण याच दरात त्याची विक्री होते का, बियाण्याचा काळाबाजार, जादा दरात विक्री यासंबंधी कोणतेही नियंत्रण आणले जात नाही, शेतकऱ्यांची मोठी वित्तीय पिळवणूक होते, या स्थितीत कृषी यंत्रणा, खते बियाणे विक्रेते मूग गिळून गप्प असतात, अशी नाराजी शेतकरी व्यक्त करीत आहेत..Cotton Farming : कापूस पीक शिवार फेरीत शेतकऱ्यांना मार्गदर्शन....अशी झाली कापूस बियाणे दरवाढ२०२३-२४ च्या हंगामात बीटी (बोलगार्ड २) कापूस बियाण्याचे दर ८५३ रुपये प्रतिपाकिट, असे होते. २०२४-२५ मध्ये पुन्हा दरवाढ होवून त्याा वर्षासाठी बियाणे दर ८६४ रुपये प्रतिपाकिट, असे होते. तर २०२५-२६ च्या हंगामासाठी बीटी (बोलगार्ड २) कापूस बियाण्याचे दर ९०१ रुपये प्रतिपाकिट, असे होते. तर बोलगार्ड १ प्रकारातील कापूस बियाण्याचे दर यंदाच्या हंगामासाठी ६३५ रुपये प्रतिपाकिट, असे निश्चित केले होते..कापूस बियाण्यातील जनुकीय सुधारणांचा कार्यक्रम दिसत नाही. रोगप्रतिकारक्षम, गुलाबी बोंड अळीला रोखणारा कापूस वाण केव्हा येईल, याची प्रतीक्षा आहे. आपल्या भागात कापूस लागवड सर्वाधिक असायची किंवा अजूनही कापूस पीक तुलनेत अधिकाधिक क्षेत्रात दिसते. परंतु हे पीक फक्त बियाणे, किडनाशके, तणनाशके उत्पादक, पुरवठादार यांचे खिसे भरणारे बनले आहे.- जयंत पाटील, कापूस उत्पादक, खिर्डी (जि.जळगाव).ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
