Soil Fertility : नागपूर जमिनीचे आरोग्य जपल्याशिवाय शेतीची उत्पादकता वाढविणे आणि शेतकऱ्यांचे उत्पन्न दुप्पट करण्याचे उद्दिष्ट साध्य होणार नाही. त्यामुळे जमिनीचे आरोग्य, जमिनीची उत्पादकता आणि भूगर्भातील पाण्याच्या उपलब्धतेचा शास्त्रीय अभ्यास करून त्याआधारे नियोजन करणे आवश्यक आहे. या क्षेत्रात केंद्रीय जमीन उपयोगिता संस्थेने संचालक डॉ. नितीन पाटील यांच्या नेतृत्वाखाली केलेले संशोधन आणि त्याआधारे केलेल्या शिफारशी महत्त्वपूर्ण असल्याचे प्रतिपादन भारतीय कृषी संशोधन परिषदेचे महासंचालक डॉ. एम. एल. जाट यांनी केले..केंद्रीय जमीन उपयोगिता संस्थेचा ५० वा वर्धापन दिन सोहळा रविवारी (ता. २३) उत्साहात झाला. या कार्यक्रमाला डॉ. जाट ऑनलाइन सहभागी झाले होते. या वेळी त्यांनी संस्थेच्या गेल्या पाच दशकांतील कार्याचा आढावा घेत संशोधन प्रत्यक्ष शेताच्या बांधावर पोहोचविण्याच्या दृष्टिकोनाचे कौतुक केले..Ethanol Fuel: इथेनॉलमुळे ऊर्जा सुरक्षेला बळ .डॉ. जाट म्हणाले, की पुरेसे मनुष्यबळ आणि निधीची कमतरता असतानाही संस्थेने इच्छाशक्तीच्या बळावर देशपातळीवरील अनेक प्रकल्पांना गती दिली. केवळ प्रयोगशाळेत बसून संशोधन पेपर तयार करण्याऐवजी प्रत्यक्ष शेतावर जाऊन जमिनीच्या आरोग्याची माहिती संकलित करण्यावर संस्थेने भर दिला. त्यातून देशाच्या विविध भागांतील जमिनीच्या आरोग्याचा डेटाबेस तयार झाला. या माहितीमुळे जमिनीच्या आरोग्याबाबत जागरूकता निर्माण होण्यासोबतच भविष्यातील पीक नियोजनासाठी महत्त्वाचा आधार उपलब्ध झाला आहे. भूगर्भातील पाण्याच्या पातळीबाबतही संस्थेने केलेले संशोधन उपयुक्त ठरत आहे. केंद्रीय जमीन उपयोगिता संस्थेने कोणताही गाजावाजा न करता प्रत्यक्ष क्षेत्रावर काम करण्याला प्राधान्य दिले आहे. जमिनीच्या आरोग्याचा देशपातळीवरील डेटाबेस तयार करण्यासोबतच भूगर्भातील पाण्याच्या स्थितीचा अभ्यास करून कृषी नियोजनासाठी उपयुक्त माहिती उपलब्ध करून देण्यात संस्थेचे योगदान मोठे आहे..Pomegranate Peel Utilization: डाळिंबाच्या सालीपासून मूल्यवर्धित उत्पादने.संचालक डॉ. नितीन पाटील यांच्या नेतृत्वाखाली हे काम सातत्याने सुरू असल्याबद्दल डॉ. जाट यांनी विशेष कौतुक केले. कार्यक्रमाला भारतीय कृषी संशोधन परिषदेचे उपसंचालक डॉ. ए. के. नायक, माजी उपसंचालक डॉ. एस. के. चौधरी, ए. के. सिक्का, संस्थेचे माजी संचालक डॉ. एस. के. सिंग, डॉ. बी. एस. द्विवेदी, महाराष्ट्र पशू व मत्स्य विज्ञान विद्यापीठाचे कुलगुरू डॉ. नितीन पाटील, डॉ. पंजाबराव देशमुख कृषी विद्यापीठाचे कुलगुरू डॉ. शरद गडाख, महात्मा फुले कृषी विद्यापीठ, राहुरीचे कुलगुरू डॉ. विलास खर्चे आदी उपस्थित होते..संस्थेचे संचालक डॉ. नितीन पाटील यांनी संस्थेच्या ५० वर्षांच्या वाटचालीतील उपलब्धींची माहिती दिली. डिजिटल सॉईल इंटेलिजन्स, ई-फर्टिलायझर्स ॲडव्हायझरी आणि लँड रिसोर्स इन्व्हेंटरी यांच्यासारखे महत्त्वाकांक्षी उपक्रम संस्थेने राबविले आहेत. लँड रिसोर्स इन्व्हेंटरीच्या माध्यमातून देशातील सुमारे ३२ दशलक्ष हेक्टर क्षेत्रातील जमिनीच्या गुणधर्मांचा डेटाबेस उपलब्ध करून देण्यात यश आले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
