High Court Orders on MGNREGA: बीडच्या पाटोदा तालुक्यातील येवलवाडी (सडकाची) येथे महात्मा गांधी राष्ट्रीय ग्रामीण रोजगार हमी योजनेत (मनरेगा) बनावट कागदपत्रांआधारे कोट्यवधींचा शासकीय निधी लाटल्याचा आरोप असलेल्या प्रकरणाची मुंबई उच्च न्यायालयाच्या औरंगाबाद खंडपीठाने गंभीर दखल घेतली आहे. .बीड जिल्हा परिषदेच्या पंचायत विभागाच्या उपमुख्य कार्यकारी अधिकाऱ्यांना या प्रकरणाची चौकशी करून आठ आठवड्यांत ठोस निर्णय घेण्याचे निर्देश न्यायालयाने दिले आहेत. मनरेगा योजनेतून ग्रामीण भागातील मजूर, शेतकरी आणि सर्वसामान्यांना रोजगार उपलब्ध करून देण्याचा उद्देश आहे..Kisan Credit Card: किसान क्रेडिट कार्ड : मत्स्य व्यवसायासाठी आर्थिक सक्षमीकरण.मात्र, येवलवाडी येथे प्रत्यक्ष काम न करता कागदोपत्री बनावट कामे दाखवून, खोटे दस्तऐवज तयार करून शासनाच्या निधीचा अपहार केल्याचा आरोप याचिकेत करण्यात आला आहे. या प्रकारामुळे शासनाच्या तिजोरीचे नुकसान झाल्याचेही याचिकाकर्त्यांचे म्हणणे आहे. तक्रारी करूनही कारवाई न झाल्याने अशोक येवले व इतरांनी ॲड. नरसिंह लक्ष्मणराव जाधव यांच्यामार्फत मुंबई उच्च न्यायालयाच्या औरंगाबाद खंडपीठात रीट याचिका दाखल केली..Caste Verification: जात प्रमाणपत्र कायद्यातील दुरुस्तीला आव्हान.याचिकेवर सात सप्टेंबरला न्यायमूर्ती नितीन बी. सूर्यवंशी, न्यायमूर्ती आबासाहेब धर्माजी शिंदे यांच्या खंडपीठासमोर सुनावणी झाली. न्यायालयाने चौकशी करून आठ आठवड्यांत अंतिम निर्णय घेण्याचे आदेश दिले. याचिकाकर्त्यांतर्फे ॲड. जाधव यांनी बाजू मांडली. ॲड. गौरव खांडे यांनी सहकार्य केले, तर शासनातर्फे ॲड.बी.बी. भिसे यांनी काम पाहिले..विहीर, शेततळ्यांच्या नावाखाली गोलमालदरम्यान, ग्रामीण भागातील शेतकऱ्यांसाठी असलेल्या मागेल त्याला विहीर (पाच लाखांपर्यंत अनुदान), शेततळे आणि गायगोठे यांसारख्या महत्त्वाकांक्षी योजनांच्या अंमलबजावणीदरम्यान हा गैरव्यवहार झाल्याची चर्चा आहे. कागदपत्रांची कसून चौकशी केली, तर या घोटाळ्याची व्याप्ती आणखी वाढून अनेक बडे अधिकारी आणि स्थानिक पुढारी जाळ्यात अडकण्याची दाट शक्यता आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
