Islamabad News: इस्लामाबाद येथील स्थानिक शिया मशिदीमध्ये शुक्रवारची प्रार्थना सुरू असताना एका आत्मघाती हल्लेखोराने घडवून आणलेल्या भीषण बाँबस्फोटामध्ये तीस नागरिकांचा मृत्यू झाला असून १३० पेक्षाही अधिकजण गंभीर जखमी झाले आहेत. शहजाद शहरातील तरलाई इमामबार्ग भागामध्ये दुपारी ही घटना घडली. अधिकाऱ्यांनी दिलेल्या माहितीनुसार संबंधित हल्लेखोरास सुरक्षारक्षकांनी मशिदीच्या प्रवेशद्वारावरच रोखून धरले होते. .या मशिदीच्या मुख्य सभागृहामध्ये शेकडो लोक प्रार्थनेसाठी एकत्र जमल्याने त्याच्याभोवती कडेकोट बंदोबस्त ठेवण्यात आला होता. या स्फोटानंतर मशिदीचे मुख्य प्रवेशद्वार आणि शेजारील इमारतीच्या खिडक्यांनाही तडे गेले. रस्त्यावर अक्षरशः रक्ताचा सडा पडला होता, जखमी लोक हे विव्हळत होते, असे समाजमाध्यमांमध्ये व्हायरल झालेल्या व्हिडिओतून दिसून येते..Pakistan Flood: पावसामुळे पाकिस्तानचे २० अब्ज रुपयांचे नुकसान.या स्फोटानंतर पोलिस महानिरीक्षकांनी तातडीने शहरातील बंदोबस्तामध्ये वाढ करत संचारबंदी लागू केली. बचाव पथके घटनास्थळी रवाना झाल्याचे ‘दि टाइम्स ऑफ इस्लामाबाद’ने प्रसिद्ध केलेल्या वृत्तामध्ये म्हटले आहे..Gas Cylinder Blast: सिलिंडरच्या स्फोटात शेतकऱ्याचे घर उद्ध्वस्त.या स्फोटातील जखमींना उपचारासाठी ‘पाकिस्तान इन्स्टिट्यूट ऑफ मेडिकल सायन्सेस’ (पीआयएमएस) आणि ‘पॉलिक्लिनिक हॉस्पिटल’मध्ये दाखल करण्यात आले आहे. तत्पूर्वी ११ नोव्हेंबर २०२५ रोजी इस्लामाबादेतील सत्र न्यायालयाच्या बाहेर देखील अशाच प्रकारचा भीषण स्फोट झाला होता, त्या स्फोटामध्ये बाराजणांचा मृत्यू झाला होता..ओळख पटलीहल्लेखोराची ओळख पटविण्यामध्ये मात्र पोलिसांना यश आले आहे. संबंधित हल्लेखोर हा परकी नागरिक असून ‘फितना अल ख्वाराजी’ या दहशतवादी संघटनेशी त्याचा संबंध असल्याचा दावा करण्यात आला आहे. हे नाव ‘तेहरिके तालिबान पाकिस्तान’ या संघटनेसाठी वापरण्यात येते. दरम्यान उझबेकिस्तानचे अध्यक्ष आज पाकिस्तान दौऱ्यावर आले असतानाच हा स्फोट घडवून आणण्यात आल्याने चिंता व्यक्त होते आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
