Bogus Soybean Seeds Found In Vidarbha: कमी उगवन क्षमता असलेल्या सोयाबीनचे बियाणे विदर्भात आढळून आले आहे. त्याच्यावर तत्काळ कारवाई केली आहे. या प्रकरणी ५ हजार नमुने घेतले होते. त्यातील ३०० नमुने फेल झालेले आहेत. त्यांच्यावर परवाने रद्द करण्यापासून ते फौजदारीपर्यंत सगळ्या कारवाई होतील, अशी माहिती मुख्यमंत्री देवेंद्र फडणवीस यांनी आज नागपूरमध्ये दिली..अकोला, बुलढाणा आणि विदर्भातील इतर जिल्ह्यांत खरीप हंगामात निकृष्ट आणि बोगस सोयाबीन बियाणांमुळे शेतकऱ्यांना मोठा फटका बसला. शेतात पेरलेले सोयाबीन बियाणे उगवले नाही. यामुळे शेतकऱ्यांवर दुबार पेरणीचे संकट ओढवले आहे. याची गंभीर दखल घेत मुख्यमंत्र्यांनी या प्रकरणी कडक कारवाईचे संकेत दिले आहेत. .विदर्भातील जिल्ह्यांमध्ये बोगस सोयाबीन बियाणांमुळे हजारो शेतकऱ्यांचे नुकसान झाल्याचे काँग्रेस विधिमंडळ नेते विजय वडेट्टीवार यांनी विधानसभेत निदर्शनास आणून दिले होते. मोठ्या खर्चाने पेरणी करूनही बियाणे उगवले नसल्याने अनेक शेतकऱ्यांवर दुबार पेरणीचे संकट ओढवले. शेतकऱ्यांची फसवणूक करणाऱ्या कंपन्यांवर बियाणे नियंत्रण कायद्यानुसार कठोर कारवाई करून त्यांचे बियाणे विक्री परवाने तात्काळ रद्द करावे., तसेच बाधित शेतकऱ्यांना त्वरित नुकसान भरपाई द्यावी, अशी मागणी त्यांनी केली..Fake Soybean Seed: सोयाबीन बोगस बियाण्यांविरोधात ११४५ वर शेतकऱ्यांच्या तक्रारी.यावर मुख्यमंत्र्यांनी विधानसभेत खुलासा केला. सोयाबीनची उगवण क्षमता कमी असल्याच्या तक्रारी प्राप्त झाल्या आहेत. यासंदर्भात ५,५८० नमुने घेतले होते. त्यातील ३६७ नुमने अप्रमाणित किंवा उगवण क्षमता कमी असलेले आढळून आलेले आहेत. मोठ्या प्रमाणात आपण त्यांच्यावर कारवाई सुरु केलेली आहे. यावर्षी १,१४१ विक्री परवाने निलंबित केले आहेत. २४२ विक्री परवाने रद्द केले आहेत. ११३ गुन्हे दाखल केलेले आहेत, अशी माहिती मुख्यमंत्री फडणवीस यांनी अंतिम आठवडा प्रस्तावावर उत्तर देताना दिली. .Fake Seeds Companies: पंधरा बियाणे कंपन्यांचे परवाने रद्द करणार : कृषिमंत्री दत्तात्रय भरणे .'महाराष्ट्राच्या इतिहासातील सर्वात मोठी कर्जमाफी योजना' कर्जमाफी योजनेत केलेल्या बदलाबाबत बोलताना फडणवीस यांनी सांगितले की, यापूर्वीच्या कोणत्याही कर्जमाफीत लगतच्या कर्जमाफीतील लोकांना समाविष्ट केले नव्हते. पण पहिल्यांदा आपण हा निर्णय केला. आधी ५० हजार रुपये देणार होते. पण सत्ताधारी आमदारांच्या आग्रहानुसार त्यांनीही कर्जमाफी द्यावी. त्यांची मागणी आम्ही मान्य केली. यामुळे महात्मा ज्योतिराव फुले शेतकरी कर्जमुक्ती योजनेतील पात्र लाभार्थ्यांना आता २ लाख रुपयांपर्यंत कर्जमाफी मिळण्याचा मार्ग मोकळा झाला आहे..'शरद पवारांचे अभार'ही महाराष्ट्राच्या इतिहासातील सगळ्यात मोठी कर्जमाफी योजना असल्याचे मुख्यमंत्र्यांनी नमूद केले आहे. या योजनेतील दोन प्रमुख अटी काढून टाकल्याचा सरकारच्या निर्णयाचे ज्येष्ठ नेते शरद पवार यांनी स्वागत केले. त्यावर प्रतिक्रिया देताना मुख्यमंत्र्यांनी, 'मी त्यांचा आभारी आहे' असे म्हटले. .'सिंचनामुळे शेतकरी पिके वाचवू शकतील''एल निनो'मुळे पाऊस कमी राहणार असल्याच्या पार्श्वभूमीवर बोलताना मुख्यमंत्री म्हणाले की, पाऊस नसलेल्या कालावधीत थोडे सिंचन देऊ शकलो तर अडचण येणार नाही. एल निनोमुळे पावसात तूट राहणार आहे. दोन पावसांमध्ये अंतरही राहणार आहे. यासाठी शेतकऱ्यांना आधीपासून सांगितले. शेतकऱ्यांनी मोठ्या प्रमाणात आमचे म्हणणे ऐकून धूळ पेरणी, सुरुवातीची पेरणी न करता सरकारच्या सल्ल्यानुसार उशिरा पेरण्या केल्या आहेत. पाऊस आल्यानंतरच पेरण्या झाल्या आहेत. विहिरी अथवा सिंचनाच्या ज्या सुविधा असतील त्याचा वापर करुन शेतकरी आपली पिके वाचवू शकतील, असा विश्वास त्यांनी व्यक्त केला..पश्चिम नागपूरमधील दाभा येथे उभारण्यात येत असलेल्या ॲग्रो कन्व्हेशन सेंटरची आज मुख्यमंत्र्यांनी पाहणी केली. देशातील सर्वात मोठे ॲग्रो कन्व्हेशन सेंटर पंजाबराव देशमुख कृषी विद्यापीठात महाराष्ट्र शासनाच्या वतीने उभारले जात आहे. या ठिकाणी कृषी प्रदर्शनासह वेगवेगळ्या कन्व्हेशनचे ठिकाण म्हणून त्याची उभारणी केली आहे. कोणत्याही प्रकारचे प्रदर्शन येथे आयोजित करता येते. शेतकऱ्यांची वेगवेगळे प्रदर्शन, त्यांच्या परिषदा, प्रशिक्षण या ठिकाणी घेता येतील, अशी माहिती मुख्यमंत्री फडणवीस यांनी दिली. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
