Chandrapur News : केंद्रात सहकार मंत्रालय स्थापन झाल्यानंतर सहकार क्षेत्रातही आता भाजपने धडाक्यात शिरकाव करणे सुरू केले आहे. भद्रावती बाजार समितीसुद्धा भाजपने सोडली नाही. बाजार समितीच्या शिवसेना (उद्धव ठाकरे गट) आणि काँग्रेसच्या संचालकांना भाजपने आपल्याकडे खेचत भद्रावती बाजार समिती ताब्यात घेतली. .बाजार समिती सभापतिपदाच्या निवडणुकीत राजेंद्र डोंगे हे निवडून आले आहेत. डोंगे हे आधी काँग्रेसचे होते. चेकबरागंज मनोरा ग्रामपंचायतीचे ते उपसरपंच आहेत. बाजार समितीच्या निवडणुकीत त्यांच्या विरोधात काँग्रेस आघाडीचे ज्ञानेश्वर डुकरे उभे होते. त्यांना पाच, तर डोंगे यांना १३ मते पडली. यापूर्वी भाजपने चंद्रपूर जिल्हा बँकेवरही आपला झेंडा फडकावला आहे. .Hingoli APMC Merger : हिंगोली, सिरसम कृषी उत्पन्न बाजार समित्यांचे एकत्रीकरण.बँकेच्या अध्यक्षपदाच्या निवडणुकीपूर्वी उद्धव ठाकरे सेनेचे जिल्हा प्रमुख रवींद्र शिंदे यांनी भाजपत प्रवेश केला. त्यांना बँकेचे अध्यक्षपद देण्यात आले. त्यामुळे चंद्रपूर जिल्हा बँकेची निवडणूक चांगलीच गाजली होती. भाजप महायुती आणि काँग्रेस महाविकास आघाडीने ही निवडणूक प्रतिष्ठेची केली होती. .चंद्रपूरच्या खासदार प्रतिभा धानोरकर या अविरोध निवडून आल्या. काँग्रेस विधिमंडळ पक्षाचे नेते विजय वडेट्टीवार आणि चंद्रपूरचे भाजपचे आमदार किशोर जोरगेवार यांनीसुद्धा बँकेची निवडणूक लढणार असल्याचे घोषित केले होते. निवडणुक अर्जही दाखल केला होता. मात्र दोघांनी निवडणुकीपूर्वीच माघार घेतली. .Pune APMC Corruption: पुणे बाजार समितीत २०० कोटींचा गैरव्यवहार: रोहित पवार.या दरम्यान भाजपचे आमदार बंटी भांगडिया यांनी विरोधकांच्या गटात असलेल्या बँक संचालकांना फोडून भाजपमध्ये आणले. उबाठाचे जिल्हा प्रमुख शिंदे हे यापूर्वीसुद्धा चंद्रपूर जिल्हा बँकेचे अध्यक्ष होते. .त्यांनी भाजपत प्रवेश करून पुन्हा अध्यक्षपद आपल्याकडे खेचून आणले. सहकारी बँका, बाजार समित्या, सोसायट्या हे काँग्रेसचे बलस्थान होते. मात्र आता सर्व सहकार क्षेत्र भाजपने आपल्या ताब्यात घेणे सुरू केले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
