BJP Ritu Tawde Elected Unopposed As The Mayor Of BMC: तब्बल ४४ वर्षांनंतर मुंबईत भाजपचा महापौर विराजमान झाला आहे. बुधवारी (दि. ११ फेब्रुवारी) पार पडलेल्या बृहन्मुंबई महानगरपालिकेच्या (BMC) महापौर आणि उपमहापौर निवडणुकीत दोन्ही पदांसाठी प्रत्येकी एकच नामनिर्देशन दाखल झाले. यामुळे मुंबईच्या महापौरपदी भाजपच्या रितू तावडे आणि उपमहापौरपदी शिंदेंच्या शिवसेनेचे संजय घाडी यांची बिनविरोध निवड झाली. तर ठाकरेंच्या शिवसेनेचा गट सभागृहात विरोधक म्हणून भूमिका बजावणार आहे..सुरुवातीला ठाकरे शिवसेनेच्या नगरसेवकांकडून 'ठाकरे' आणि भाजपच्या नगरसेवकांनी 'मोदी, देवाभाऊ...' अशा घोषणा दिल्या. दोन्ही बाजूंनी घोषणा सुरु राहिल्याने सभागृह दणाणून गेले. यावेळी सभागृहाच्या गॅलरीत मुख्यमंत्री देवेंद्र फडणवीस, उपमुख्यमंत्री एकनाथ शिंदे, मुंबई भाजपचे अध्यक्ष अमित साटम उपस्थित होते. मुख्यमंत्री फडणवीस आणि उपमुख्यमंत्री शिंदे यांनी नवनियुक्त महापौर आणि उपमहापौरांचे अभिनंदन केले..''मला अतिशय आनंद आहे की मुंबईच्या महापौर आणि उपमहापौरपदी महायुतीचे उमेदवार विराजमान झाले. महापौरपदी रितू तावडे आणि उपमहापौरपदी संजय घाडी हे दोन्हीही महायुतीचे शिलेदार आज विराजमान झाले आहेत. महानगरपालिकेला लोकाभिमुख आणि पारदर्शक प्रशासन देण्याबद्दल मी आणि शिंदेंनी लोकांकडे मते मागितली होती. त्याला मुंबईच्या जनतेने प्रतिसाद दिला. विशेषत: रितू तावडे यांच्याकडे एक अनुभवी आणि अस्सल मराठी चेहरा म्हणून पाहिले जाते. त्यांनी मागच्या काळातही मुंबईकरांच्या प्रश्नांकरिता नेहमीच आक्रमकपणे भूमिका घेतलेली आहे. मला विश्वास आहे की यापुढेहीदेखील त्यांच्या माध्यमातून मुंबईच्या विकासाचा कार्यक्रम महायुतीच्या सरकारने सुरु केला आहे. तो अतिशय चांगल्या पद्धतीने राबवला जाईल,'' अशी ग्वाही मुख्यमंत्री फडणवीस यांनी दिली आहे..Mumbai Mayor Election: मुंबईच्या महापौरपदासाठी रितू तावडे भाजपच्या उमेदवार, उपमहापौरपद शिंदेंच्या सेनेला.उपमहापौर म्हणून जुनेजाणते, अनुभवी संजय घाडी यांची निवड झाली आहे. त्यांच्या अनुभवाचा फायदा होईल. आमचा हा प्रयत्न असेल की शिवसेना प्रमुख हिंदुहृदयसम्राट बाळासाहेब ठाकरे यांच्या जन्मशताब्दीच्या निमित्ताने त्यांना अपेक्षित अशाप्रकारचे प्रशासन या महानगरपालिकेच्या माध्यमातून आम्ही चालवू, असेही फडणवीस म्हणाले. .Chandrapur Mayor Election: चंद्रपूर महानगरपालिकेत भाजपची सत्ता; एका मताच्या फरकाने संगीता खांडेकर महापौरपदी .महानगरपालिका सभागृहातील गॅलरीत पहिल्यांदाच बसलो. ऐतिहासिक वास्तूमध्ये बसून सोहळ्याचा साक्षीदार होणे महत्त्वाचे असल्याचे त्यांनी नमूद केले. तर शिंदे यांनी, नवनियुक्त महापौर आणि उपमहापौर हे दोघेही अनुभवी आणि कार्यक्षम असल्याचे सांगितले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
