Nashik News : नाशिक कृषी उत्पन्न बाजार समितीच्या कारभाराची सूत्रे आता चार सदस्यीय अशासकीय प्रशासक मंडळाच्या हाती देण्यात आली आहेत. मंडळाच्या अध्यक्षपदी नाशिक महापालिकेच्या स्थायी समितीचे माजी सभापती गणेश गिते यांची नियुक्ती करण्यात आली असून, माजी आमदार बाळासाहेब सानप, सचिन ढिकले आणि भारतीय जनता पक्षाच्या किसान मोर्चाचे जिल्हाध्यक्ष बापू पिंगळे यांची सदस्य म्हणून नियुक्ती झाली आहे. या नियुक्तीमुळे बाजार समितीच्या प्रशासकीय कारभारातील राजकीय समीकरणांची चर्चा सुरू झाली आहे..सहकार, पणन व वस्त्रोद्योग विभागाच्या निर्देशानुसार पणन संचालक संजय कदम यांनी १ ऑक्टोबर रोजी नाशिक जिल्हा उपनिबंधकांना नियुक्तीबाबत पत्र दिले. महाराष्ट्र कृषी उत्पन्न पणन (विकास व नियमन) अधिनियम १९६३ मधील कलम १५ (अ) अन्वये हे मंडळ नियुक्त करण्यात आले आहे..Government Procurement: कर्नाटकात सूर्यफूल, मूग, सोयाबीन खरेदीला मंजुरी.नाशिक बाजार समितीचे २१ जुलै २०२६ रोजी नाशिक, त्र्यंबकेश्वर आणि पेठ अशा तीन स्वतंत्र बाजार समित्यांमध्ये विभाजन झाले. त्यानंतर नाशिक बाजार समितीवर प्रशासक नियुक्त करण्यात आला होता. आता या प्रशासकाच्या जागी अशासकीय प्रशासक मंडळाची नियुक्ती करण्यात आली आहे. नव्या मंडळाचा कार्यकाळ सहा महिने किंवा बाजार समितीची निवडणूक प्रक्रिया पूर्ण होईपर्यंत राहणार आहे. त्यामुळे आगामी काळातील बाजार समितीचा प्रशासकीय कारभार तसेच निवडणुकीच्या पार्श्वभूमीवरील घडामोडींमध्ये या मंडळाची भूमिका महत्त्वाची ठरणार आहे..Maharashtra Government Departments: सहकार, पणन व वस्त्रोद्योग विभागाचे तीन स्वतंत्र विभाग.भाजपशी संबंधितांना प्राधान्यनवनियुक्त मंडळातील सदस्यांची राजकीय पार्श्वभूमी पाहता भाजपशी संबंधित व्यक्तींना प्राधान्य मिळाल्याची चर्चा बाजार समितीच्या वर्तुळात आहे. बाळासाहेब सानप हे भाजपचे माजी आमदार आहेत. गणेश गिते हेही भाजपशी संबंधित स्थानिक राजकारणातील प्रमुख नाव आहे. सचिन ढिकले यांनी यापूर्वी शिवसेनेच्या चिन्हावर महापालिका निवडणूक लढवली होती. मात्र, सध्या ते गिते यांच्या समर्थक गटात असल्याचे सांगितले जाते. त्यामुळे महायुतीतील शिवसेना आणि राष्ट्रवादी काँग्रेसच्या स्थानिक नेतृत्वाला मंडळात प्रतिनिधित्व मिळाले नसल्याची चर्चा आहे..महायुतीतील इतर पक्ष संधीच्या प्रतीक्षेतनव्या प्रशासक मंडळावर बाजार समितीच्या पूर्वीच्या संचालक मंडळातील एकाही सदस्याची नियुक्ती झालेली नाही. माजी खासदार तथा बाजार समितीचे माजी सभापती देविदास पिंगळे यांनी ‘ॲग्रोवन’ला सांगितले की, अशासकीय प्रशासक मंडळासाठी काही नावे उपमुख्यमंत्री सुनेत्रा पवार यांच्याकडे पाठविण्यात आली होती. मात्र, त्या यादीतील नावे नियुक्त करण्यात आलेली नाहीत..ही माझ्यासाठी मोठी संधी आणि जबाबदारी आहे. बाजार समितीच्या माध्यमातून शेतकऱ्यांना पारदर्शक, गतिमान आणि सुविधाकेंद्रित सेवा देण्यास प्राधान्य राहील. शेतमालाला योग्य बाजारपेठ, पारदर्शक व्यवहार आणि शेतकरीहिताचे निर्णय घेण्यावर भर दिला जाईल.- गणेश गिते, अध्यक्ष, नाशिक बाजार समिती अशासकीय प्रशासक मंडळ.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
