Farmer Welfare Scheme: बिहार सरकारने ऊस उत्पादक शेतकऱ्यांसाठी आधुनिक कृषी ऊस यंत्रसामग्रीवर प्रोत्साहन देणारी नवी योजना सुरू केली आहे. आर्थिक वर्ष २०२६-२७ मध्ये राबविण्यात येणाऱ्या या योजनेअंतर्गत ४४ प्रकारच्या कृषी उपकरणांच्या खरेदीवर ८० टक्क्यांपर्यंत अनुदान दिले जाणार आहे. यामध्ये मजुरांची कमतरता, वाढती मजुरी आणि उत्पादन खर्च कमी करण्याच्या उद्देशाने ही योजना सुरू करण्यात आली आहे..ऊस शेतीमध्ये आधुनिक तंत्रज्ञानाचा वापर वाढवून शेतकऱ्यांचे उत्पन्न वाढविणे आणि उत्पादन खर्च कमी करणे हे या योजनेचे प्रमुख उद्दिष्ट आहे. सरकारने योजनेत ऊस शेतीशी संबंधित ४४ प्रकारच्या कृषी उपकरणांचा समावेश केला आहे. अधिसूचित कृषी उपकरणांच्या खरेदीवर ४० ते ७५ टक्क्यांपर्यंत, तर पीक अवशेष व्यवस्थापन आणि कचरा प्रक्रिया करणाऱ्या उपकरणांवर ७५ ते ८० टक्क्यांपर्यंत अनुदान दिले जाणार आहे. या योजनेसाठी केवळ ऊस उत्पादक शेतकरी पात्र असतील..Agricultural Mechanization Scheme: कृषी यांत्रिकीकरणात ३१ लाखांहून अधिक अर्ज रद्द; फक्त २.३२ लाख शेतकऱ्यांनी घेतली अवजारे.शेतकरी गटांना यंत्रसामग्री बँकेसाठी ८ लाखांपर्यंत मदतशेतकरी गटांनी एकत्र येऊन यंत्रसामग्री बँक स्थापन केल्यास त्यांना सरकारकडून ८० टक्क्यांपर्यंत अनुदान मिळू शकते. या माध्यमातून कमाल ८ लाख रुपयांपर्यंत आर्थिक मदत दिली जाणार आहे. यंत्रसामग्री बँकेतील उपकरणे इतर शेतकऱ्यांना भाडेतत्त्वावर उपलब्ध करून देऊन गटांना अतिरिक्त उत्पन्न मिळवता येणार आहे..Agriculture Scheme Subsidy Issue: परभणी जिल्ह्यातील ६७० शेतकरी अद्यापही अनुदानाच्या प्रतीक्षेत.योजनेअंतर्गत पीएसीएस, उपजीविका गट, एफपीओ, आत्मामध्ये नोंदणीकृत शेतकरी गट, सहकारी संस्था, ऊसाशी संबंधित सरकारी संस्था, साखर कारखाने आणि अधिकृत गूळ उत्पादक यंत्रसामग्री बँक स्थापन करू शकतात..अनुदानाची रक्कम थेट शेतकऱ्यांच्या खात्यातशेतकऱ्यांना अधिकृत विक्रेत्यांकडून त्यांच्या पसंतीची कृषी यंत्रसामग्री खरेदी करता येणार आहे. अनुदानाची रक्कम डीबीटीद्वारे थेट शेतकऱ्यांच्या बँक खात्यात जमा केली जाईल. अर्ज करण्यापासून ते अनुदान मिळण्याच्या प्रक्रियेपर्यंतची कार्यवाही ऑनलाइन पद्धतीने केली जाणार आहे. ऑनलाइन पडताळणीमुळे प्रक्रियेत पारदर्शकता राहण्यासोबतच शेतकऱ्यांना कृषी यंत्रसामग्री सहज उपलब्ध होण्यास मदत होणार आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
