Chhatrapati Sambhajinagar News: फुलंब्री नगरपंचायत निवडणुकीत भाजपाला मोठा धक्का बसला असून महाविकास आघाडीचे उमेदवार तथा शिवसेना (उद्धव बाळासाहेब ठाकरे) गटाचे राजेंद्र ठोंबरे यांनी दणदणीत विजय मिळवला आहे. अत्यंत चुरशीच्या व अटीतटीच्या लढतीत ठोंबरे यांनी भाजपचे उमेदवार सुहास शिरसाठ यांचा तब्बल १,७९७ मतांनी पराभव करत नगराध्यक्षपदावर विराजमान होण्याचा मान मिळवला आहे. या निकालामुळे फुलंब्रीच्या राजकारणात महाविकास आघाडीचे वर्चस्व स्पष्ट झाले असून भाजपला अपेक्षाभंगाचा सामना करावा लागला आहे..फुलंब्री नगरपंचायत निवडणूक प्रचार दोन टप्प्यांत पार पडला. पहिल्या टप्प्यातील प्रचारानंतर काही अपरिहार्य कारणांमुळे निवडणूक स्थगित करण्यात आली होती. त्यानंतर २० डिसेंबर रोजी पुन्हा मतदान घेण्यात आले. दीर्घकाळ चाललेला प्रचार, सत्ताधारी आणि विरोधकांमधील आरोप–प्रत्यारोप तसेच राजकीय वातावरण तापलेले असल्याने ही निवडणूक अत्यंत चुरशीची ठरली होती. .Local Body Elections: ग्रा.पं.वर प्रशासकाचे सावट!.मतमोजणी दरम्यान सुरुवातीपासूनच महाविकास आघाडीचे उमेदवार राजेंद्र ठोंबरे यांनी आघाडी घेतली. प्रत्येक फेरीनंतर त्यांची आघाडी अधिकच वाढत गेली. अखेर त्यांनी ८,२१४ मते मिळवत विजय निश्चित केला..Local Body Elections: परभणीत सात, हिंगोलीत दोन नगर परिषदांसाठी उत्साहात मतदान.तर भाजपचे उमेदवार सुहास शिरसाठ यांना ६,४१७ मते मिळाली. दोन्ही उमेदवारांमधील मतांचा फरक १,७९७ इतका असून हा निकाल ठोंबरे यांच्या बाजूने स्पष्ट आणि निर्णायक ठरला..नगरसेवक पदाच्या निकालांकडे पाहता, एकूण १७ प्रभागांपैकी महाविकास आघाडीने तब्बल १२ जागांवर विजय मिळवत स्पष्ट बहुमत मिळवले आहे. भाजपला केवळ ५ जागांवर समाधान मानावे लागले. त्यामुळे फुलंब्री नगरपंचायतीवर महाविकास आघाडीची सत्ता प्रस्थापित झाली असून भाजपसाठी हा निकाल मोठा धक्का मानला जात आहे.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
