Farming Update: भोर तालुक्यात गेल्या दोन दिवसांपासून झालेल्या पावसामुळे जमिनीला चांगला वापसा मिळाला असून भात पेरणीच्या कामांना वेग आला आहे..जून महिन्यापासून पावसाच्या प्रतीक्षेत असलेल्या शेतकऱ्यांना या पावसाने दिलासा मिळाला आहे. पावसामुळे जमिनीत पुरेसा ओलावा निर्माण झाला असून बुधवारी पावसाने काहीशी विश्रांती घेतल्याने शिंद, नांद, महुडे, नांदगाव आपटी, वाठार आदी भागांत शेतकऱ्यांनी भात पेरणीला सुरुवात केली. बैलांच्या औतासह ट्रॅक्टरच्या साहाय्याने पेरणीची कामे सुरू असून दिवसभर शिवारात लगबग दिसून आली..Paddy Sowing Delay: पाऊस लांबल्यामुळे भात पेरणी रखडली.पुढील दोन-तीन दिवस शेतकरी मशागतीसह पेरणीच्या कामांत व्यग्र राहणार आहेत. स्वतःचे औत किंवा ट्रॅक्टर असलेल्या शेतकऱ्यांनी आपल्या शेतातील पेरणीला प्राधान्य दिले आहे. .Paddy Sowing: खेड तालुक्याच्या पश्चिम पट्ट्यात भात पेरणी सुरू.बियाण्यांची खरेदी यापूर्वीच झाल्याने कृषी केंद्रांमध्ये शेतकऱ्यांची गर्दी तुलनेने कमी होती. आगामी काळात वेळेवर आणि पुरेसा पाऊस झाल्यास भात उत्पादन चांगले येईल, अशी अपेक्षा शेतकरी व्यक्त करीत आहेत..भोरमध्ये आतापर्यंत ३८ मिलिमीटर पावसाची नोंद झाली आहे. भात पिकाची पेरणी गादीवाफ्यावर करावी. तसेच किमान ६० मिलिमीटर पाऊस होऊन जमिनीला पुरेसा वाफसा मिळाल्याशिवाय सोयाबीन, भुईमूग आदी खरीप पिकांच्या पेरणीची घाई शेतकऱ्यांनी करू नये.- शरद धर्माधिकारी, तालुका कृषी अधिकारी, भोर.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
