Solapur News : जिल्ह्यातील उत्तर सोलापूर, दक्षिण सोलापूर आणि अक्कलकोट या तीन तालुक्यांमध्ये झालेल्या अतिवृष्टीमुळे व उजनी धरणातून सोडलेल्या पाण्यामुळे आलेल्या भीमा नदीच्या पुरामुळे शेतपिकांचे मोठ्या प्रमाणावर नुकसान झाले. या नुकसानीचे सुमारे ६० टक्के पंचनामे पूर्ण झाले आहेत. .जिल्हा प्रशासनाच्या आदेशानुसार या तीन तालुक्यांतील एकूण आठ मंडळांमध्ये संयुक्त पंचनामे सुरू असून, कृषी व महसूल विभागाच्या संयुक्त पथकाद्वारे शेतशिवारात जाऊन वस्तुस्थितीदर्शक अहवाल तयार केला जात आहे. कृषी विभागाने दिलेल्या प्राथमिक अंदाजानुसार, या तीन तालुक्यांमध्ये सुमारे ४१ हजार हेक्टर क्षेत्रावरील पिकांचे नुकसान झाले आहे. यामध्ये भात, सोयाबीन, मका, तूर आदी पिकांचा समावेश आहे..Crop Damage Survey : पंचनाम्यास विरोध केल्याने पथक माघारी.उजनी धरणातून दोन ते तीन वेळा विसर्ग झाल्यामुळे भीमा नदीला पूर आला असून, नदीकाठच्या गावांतील पिके जलमय झाली आहेत. विशेषतः पंढरपूर तालुक्यातील शेतकऱ्यांना सर्वाधिक फटका बसल्याची माहिती प्रशासनाने दिली आहे. या नुकसानीचेही पंचनामे सध्या सुरू आहेत..Crop Damage : भीमेच्या पुराने मंगळवेढ्यात पिकांचे नुकसान.पावसामुळे पंचनामे अडथळ्यात२९ ऑगस्टपर्यंत पंचनामे पूर्ण करण्याचे उद्दिष्ट ठेवण्यात आले होते. मात्र, गेल्या दोन दिवसांत सातत्याने होत असलेल्या पावसामुळे अनेक ठिकाणी पंचनाम्याच्या कामात अडथळा निर्माण झाला आहे. नदीकाठच्या भागांमध्ये प्रत्यक्ष शेतात जाणे कठीण झाले असून, त्यामुळे कामकाजाला विलंब होत आहे. पण पुढील काही दिवस पावसाची उघडीप राहिली, तर येत्या आठवड्याच्या अखेरीस सर्व पंचनामे पूर्ण होतील, असा अंदाज कृषी विभागाने व्यक्त केला आहे..पंचनाम्याचे काम वेगाने सुरू आहे, त्यासाठी आवश्यक यंत्रणा काम करत आहे. पण पावसाचा अडथळा येत आहे. तरीही गतीने काम करण्याच्या सूचना दिल्या आहेत. आठवड्यात हे काम पूर्ण होईल.-शुक्राचार्य भोसले, जिल्हा अधीक्षक कृषी अधिकारी, सोलापूर.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
