Kolhapur News: नरंदे (ता.हातकणंगले) येथील शरद सहकारी साखर कारखान्याने ओढ्यामध्ये प्रदूषित पाणी सोडल्याचा आरोप करत मंगळवारी( ता.२३) भेंडवडे येथील नागरिकांनी कारखान्यावर धडक मोर्चा काढून कारखान्याकडे जाणारी वाहने बंद केली. यावेळी संतप्त नागरिकांनी कारखाना प्रशासनाला धारेवर धरले. अखेर कारखाना प्रशासनाने ओढ्यात सोडले जाणारे पाणी त्वरित बंद करण्याचे लेखी आश्वासन दिल्यानंतर आंदोलन मागे घेण्यात आले..शरद सहकारी साखर कारखान्यातून बाहेर पडणारे प्रदूषित पाणी भेंडवडे गावाकडे जाणाऱ्या ओढ्यात सोडले जाते. हे प्रदूषित पाणी प्यायल्यामुळे भेंडवडे गावातील नागरिकांना त्रास होत आहे. याशिवाय, शेतकऱ्यांच्या पिकावर याचा परिणाम झाल्यामुळे नुकसान होत आहे. याबाबत गेले पंधरा दिवस भेंडवडे गावातील ग्रामस्थ प्रदूषण विभाग व कारखाना प्रशासनाकडे उपाययोजना करण्यासंदर्भात तक्रारी करत होते. .Sugar Factory Protest: शरद कारखान्यावर दगडफेक, भेंडवडे ग्रामस्थांचा धडक मोर्चा, वारणा नदीत मळीमिश्रित पाणी सोडल्याचा आरोप.या तक्रारीची दखल दोन्ही विभागांनी घेतली नसल्यामुळे मंगळवारी त्याचे संतप्त पडसाद उमटले. सकाळी दहाच्या दरम्यान भेंडवडे गावातील शेकडो ग्रामस्थ व ग्रामपंचायत सदस्य कारखानास्थळी दाखल झाले. संतप्त ग्रामस्थांनी कारखाना बंद करण्याची मागणी केली..Soybean Farmers Protest: सोयाबीन खरेदी केंद्र सुरू करण्याची मागणी, 'स्वाभिमानी'चे गडहिंग्लज प्रांत कार्यालयासमोर घंटानाद आंदोलन.यावेळी मुख्य कार्यकारी अधिकारी बी. ए.आवटी ग्रामस्थांना समजावण्यासाठी आले असताना त्यांच्यासोबत ग्रामस्थांचा जोरात वाद झाला. या आंदोलनकर्त्यांनी कारखान्यात जाणारी ऊस वाहने तटवली व कारखाना बंद करण्याची मागणी केली..ग्रामस्थांचा रुद्रावतारदूषित पाणी बंद होईपर्यंत कारखाना बंद करण्यात यावा व प्रदूषण विभागाच्या अधिकाऱ्यांना घटनास्थळी बोलवावे, अशी मागणी ग्रामस्थांनी लावून धरली होती. ते पाहून काही वेळातच पोलीस उपाधीक्षक अमोल ठाकूर ,तहसीलदार सुशील बेल्हेकर व प्रदूषण मंडळाचे क्षेत्र अधिकारी अंकुश पाटील दाखल झाले. ग्रामस्थांनी त्यांना जाब विचारला व कारवाईची मागणी केली. कारवाईचे पत्र दिल्याशिवाय आंदोलन थांबवणार नाही अशी ठाम भूमिका ग्रामस्थांनी घेतली होती..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
